Cichanoŭskaja: My nie viedali pra abmien źniavolenymi i nie ŭdzielničali ŭ pracesie
«Mnohija spadziavalisia, što my ŭbačym siarod imionaŭ Maryju Kaleśnikavu, Andžeja Pačobuta abo Ihara Łosika, ale…», — kaža demakratyčnaja lidarka.
Biełaruskija demakratyčnyja siły nie viedali pra abmien źniavolenymi i nie ŭdzielničali ŭ pracesie, kab upłyvać na jaho vyniki. Pra heta zajaviła Śviatłana Cichanoŭskaja na dvuchdzionnaj kanfierencyi «Novaja Biełaruś», jakaja adkryłasia siońnia ŭ Vilni, piša Reform.news
«Paru dzion tamu, kali adbyŭsia abmien zakładnikami pamiž Rasijaj i ZŠA, mnohija spadziavalisia, što my ŭbačym siarod imionaŭ Maryju Kaleśnikavu, Andžeja Pačobuta abo Ihara Łosika.( … ) Apiaredžvajučy ŭsie pytańni, ja skažu: my nie viedali i nie ŭdzielničali ŭ pracesie hetych pieramovaŭ, kab paŭpłyvać na ich vyniki. Ale sam fakt takoha abmienu źjaŭlajecca važnym precedentam, jaki my sprabujem vykarystoŭvać u pieramovach ab vyzvaleńni biełarusaŭ u budučyni», — zajaviła jana.
«Heta taksama mahčymaść pryciahnuć uvahu ŭsiaho śvietu na situacyju ŭ Biełarusi i situacyju ź biełaruskimi palitviaźniami. Tut siońnia z nami šmat dypłamataŭ, jakija pracujuć ź Biełaruśsiu. Dla ich, jak i dla nas z Vami, tema vyzvaleńnia palitviaźniaŭ źjaŭlajecca pryjarytetam. I ja ŭpeŭnienaja, što razam my zmožam znajści sposaby i miechanizmy, kab vyciahnuć našych ludziej z turmaŭ», — skazała lidar demsił.
U Vilni startavała kanfierencyja «Novaja Biełaruś»
Čamu rasijskich palitviaźniaŭ vyzvalili, a biełaruskich nie? Usio prosta
Eks-palitźniavolenaja Skačylenka: My da samaha kanca nie razumieli, što nas abmianiajuć
Ilja Jašyn: Dvuch čałaviek sa śpisaŭ na abmien vykraślili ŭ apošni momant
Abmienieny rasijski špijon jak minimum dva razy prychodziŭ u ofis da Łatuški
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary