Učora na biełaruskich mieteastancyjach pierapisana dzieviać tempieraturnych rekordaŭ, jakija trymalisia 60 hadoŭ
153 tempieraturnyja rekordy pierakrytyja na biełaruskich mieteastancyjach z 30 žniŭnia, kali pačaŭsia praciahły pieryjad haračaha nadvorja, śviedčyć praviedzieny vydańniem «Pozirk» paraŭnalny analiz apieratyŭnych i archiŭnych źviestak Biełhidramieta.
Apošnija dva dni raście kolkaść stancyj, dzie abnaŭlajucca łakalnyja maksimumy. Kali 15 vieraśnia ich było 16 (z 48, što pad nazirańniem), to 16-ha — 21, 17-ha — 26. Z 12 vieraśnia rekordy fiksujucca štodnia.
Minułym dniom pierapisana dzieviać rekordaŭ, jakija trymalisia z 1964 hoda: u Mahilovie — 27 (było 25,8), Viciebsku — 26 (24,7); Babrujsku — 26,9 (26,7), Šarkaŭščynie — 26,5 (24,4), Lepieli — 26,5 (25,1), Horkach — 26,3 (24,8), Połacku — 26,2 (25), Vierchniadźvinsku — 25,4 (24,4) i Vilejcy — 25,3 (24,5).
Jašče starejšy rekord abnoŭleny ŭ Słaŭharadzie — 27,5 (25,9 u 1955 hodzie).
U Minsku histaryčnyja ekstremumy fiksujucca čaćviorty dzień zapar. 17 vieraśnia pavietra prahrełasia da 26,5 hradusa (było 25,8 u 2015 hodzie).
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie6
Kamientary