Šviejcaryja dałučyłasia da novaha pakieta sankcyj Jeŭrasajuza suprać Biełarusi i Rasii
Fiederalny departamient ekanomiki, adukacyi i daśledavańniaŭ (EAER) Šviejcyryi ŭ miežach svajoj kampietencyi ŭ sankcyjnaj palitycy pašyryŭ abmiežavańni, uchvalenyja 16 śniežnia Jeŭrasajuzam suprać Biełarusi i Rasii. Sankcyi pačnuć dziejničać 24 śniežnia.
«Sankcyjny śpis Šviejcaryi ŭ suviazi z vajennaj ahresijaj Rasii suprać Ukrainy i situacyjaj u Biełarusi całkam adpaviadaje sankcyjnamu śpisu ES», — adznačajecca na aficyjnym sajcie Fiederalnaj rady krainy.
Zhodna z paviedamleńniem, abmiežavańni zakranajuć 26 fizičnych asob i 2 arhanizacyi ź Biełarusi, aktyvy jakich buduć zamarožanyja. Akramia taho, im zabaroniena akazvać finansavyja i ekanamičnyja resursy, a taksama techničnyja pasłuhi.
«Asoby, jakija trapili pad sankcyi, u asnoŭnym pradstaŭniki sudovaj sistemy, u tym liku sudździ, adkaznyja za padaŭleńnie hramadzianskaj supolnaści i demakratyčnaj apazicyi, a taksama kiraŭnictva pienitencyjarnych ustanoŭ, dzie žorstka abychodziacca z palityčnymi źniavolenymi, — dadatkova padpadajuć pad abmiežavańnie na vyjezd», — adznačajecca ŭ paviedamleńni.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie6
Kamientary