U hłuchoj vioscy Kalinkavickaha rajona abakrali fiermu dla majninhu kryptavaluty
U kancy śniežnia 2022-ha ŭ milicyju źviarnuŭsia žychar Kalinkavickaha rajona, jaki zajaviŭ, što sa staroha doma, jaki dastaŭsia jamu ŭ spadčynu, źnikli kampjutarnyja kamplektujučyja na sumu kala 17,2 tysiačy biełaruskich rubloŭ (bolš za 6800 dołaraŭ u ekvivalencie), paviedamlajuć u Dziaržkamitecie sudovych ekśpiertyz.
Vyśvietliłasia, što ŭ nieprykmietnaj chacie paciarpieły abstalavaŭ kampjutarnuju fiermu dla majninhu kryptavaluty. Ekśpiertam udałosia vyjavić ślady złačynca: u dvary i domie byli znojdzienyja ślady abutku, a taksama frahmienty vorsu na akonnaj ramie.
«U koła padazravanych patrapiŭ žychar rajcentra», — paviedamlaje pres-słužba.
Mužčyna pryznaŭsia, što fiermu kryptavaluty ŭ vioscy abrabavaŭ jon. Skraŭ 13 videakart i 3 błoki elektrasiłkavańnia, schavaŭ usio, kab paźniej pradać.
Kryminalnaja sprava nakiravanaja ŭ sud.
Spasyłku na bot «Hajuna» siłaviki znajšli na telefonie zatrymanaj aktyvistki, jakaja praciahły čas chavałasia ŭ Biełarusi20
Kamientary