Padlik hałasoŭ u ZŠA. Tramp lidziruje, pieramahajučy ŭ chistkich štatach
Donald Tramp papiarednie pieramoh u Akłachomie, Fłarydzie, Ałabamie, Misury, Kientuki, Zachodniaj Viržynii. Charys — u Meryłendzie, Dełaviery, Viermoncie i Masačusetsie.
Paviedamlajecca, što Donald Tramp papiarednie pieramoh u Akłachomie, Fłarydzie, Ałabamie, Misury, Kientuki, Zachodniaj Viržynii. Charys — u Meryłendzie, Dełaviery, Viermoncie i Masačusetsie, Ilinojsie.
Za Trampa (u dužkach — kolkaść elektaralnych hałasoŭ): Ałabama (9), Fłaryda (30), Misisipi (6), Misury (10), Akłachoma (7), Tenesi (11).
Za Charys: Kanektykut (7), Dełaver (3), akruha Kałumbija (3), Ilinojs (19), Merylend (10), Masačusets (11), Ńju-Chempšyr (4), Rod-Ajłend (4).
U chistkaj Piensilvanii paśla padliku 3 pracentaŭ biuleteniaŭ pieramahaje ŭpeŭniena Charys. Ale Piensilvanija daje 19 hałasoŭ Kalehii vybarščykaŭ.
Častka ŭčastkaŭ začynilisia taksama ŭ Kanzasie, Techasie, Paŭnočnaj i Paŭdniovaj Dakotach i ŭ chistkim štacie Mičyhanie.
Miarkujučy pa dynamicy, Charys skaračaje adryŭ. Raniejšy adryŭ Trampa byŭ bolšy.
Tramp pakul lidziruje z vynikam 101 na 71, kab pieramahčy, treba nabrać 270 hałasoŭ Kalehii vybarščykaŭ.
Što praŭda, roznyja ŚMI dajuć roznyja vyniki.
AP: Tramp — 177, Charys — 79
Fox News: u Trampa 178 hałasoŭ, u Charys — 113.
CNN: u Trampa 154 hałasoŭ, u Charys — 81.
05:39
Tramp lidziruje ŭ klučavym štacie Viskonsin z 60,7% suprać 38,0% u Charys, paviedamlaje Asašyejted Pres paśla padliku 3% hałasoŭ.
Takim čynam, da hetaj chviliny za Trampam try ź siami klučavych Štataŭ (Viskonsin, Džordžyja, Paŭnočnaja Karalina), za Charys — dva (Mičyhan i Piensilvanija), jašče hałasy ŭ dvuch klučavych štatach — Aryzonie i Nievadzie — pakul nie ličyli.
06:15
Donald Tramp upieršyniu vyjšaŭ napierad u Piensilvanii — najvažniejšym chistkim štacie
Pakul apracavanyja 48% hałasoŭ. U Trampa — 50,1%, u Charys — 48,9%.
06:25
Tramp pieramahaje ŭ Jucie, Vajominhu, Mantanie, Paŭnočnaj i Paŭdniovaj Dakotach, Kanzasie, Misury.
Charys pieramahaje ŭ Kałarada.
07:00
Tramp — 216, Charys — 193
Tramp pieramoh u Kanzasie i Ajovie. Charys atrymała adzin z čatyroch hałasoŭ vybarščykaŭ u Menie.
U Ajovie Tramp paśla padliku bolš za pałovu hałasoŭ lidziruje na 13 ź lišnim adsotkaŭ — heta ŭdar pa marach demakrataŭ paśla niadaŭniaha apytańnia nadzvyčaj pavažanaha miascovaha połstera En Siełzier z 3-adsotkavaj pieravahaj Charys.
Ciapier u Charys, chutčej za ŭsio, zastaŭsia tolki adzin šlach da prezidenctva — try paŭnočnyja chistkija štaty (Miniesota, Mičyhan, Viskonsin — što daść 35 hałasoŭ): «siniaja ściana»
Na karcie štaty, dzie pieramahaje Tramp, vydzielenyja čyrvonym, Charys — sinim
Charys pieramahła ŭ Kalifornii, Arehonie i Vašynhtonie (74 hałasy)
AP daje 214 u Trampa, 179 u Charys.
07:40
Tramp vyjhraŭ pieršy chistki štat
Associated Press piša pra pieramohu Donalda Trampa ŭ klučavoj Paŭnočnaj Karalinie (16 hałasoŭ vybarščykaŭ).
Pavodle AP, u Trampa — 230 hałasoŭ u Kalehii vybarščykaŭ, u Charys — 192.
08:23
Charys značna skaraciła adstavańnie
Pavodle Fox News, u Charys — 216 hałasoŭ u Kalehii vybaršykaŭ, u Trampa — 232.
Vice-prezident pieramahła ŭ Kalifornii, Arehonie, štacie Vašynhton.
Idzie padlik u Miniesocie, Mičykanie, Viskonsinie, Nievadzie, Džordžyi i Piensilvanii.
08:40
Tramp pieramoh u druhim chistkim štacie — Džordžyi
Pra heta paviedamlaje NBC.
Štat pradastavić jamu jašče 16 hałasoŭ vybarščykaŭ. Ciapier u Trampa — 248 hałasoŭ z 270
***
U ZŠA dziejničaje sistema elektaraŭ — delehavanych vybiralnikami asob, jakija ŭłasna i abirajuć prezidenta. Ich kolkaść u kožnym štacie praparcyjnaja pamieru nasielnictva. Naprykład, u samaha hustanasielenaha štata Kalifornija 54 elektary, a ŭ Vajominha, dzie mała ludziej, — 3.
Spačatku amierykancy hałasujuć. A paśla elektary pradstaŭlajuć zrobleny vybar. Kali ŭ štacie bolšaść prahałasavała za Trampa, to hałasy ŭsich elektaŭ hetaha štata buduć jahonyja. Takoje praviła dziejničaje amal va ŭsich štatach, aproč Niabraski i Mena.
Usiaho ŭ kalehii 538 elektary. Kab pieramahčy na vybarach, kandydatu treba nabrać bolš za pałovu hałasoŭ — 270 i bolš.
Z-za asablivaściaŭ takoj sistemy časam pieramožcam vybaraŭ moža stać kandydat, jaki prajhraŭ ahulnanacyjanalnaje hałasavańnie.
Kamientary