Zarobki rekordnyja, a prybytak raście. Jak vyhladaje IT-siektar Biełarusi na pačatku 2025 hoda
Devby.io pahladzieŭ, jak vyhladaje IT-siektar na fonie astatnich halin pa vynikach minułaha hoda.
Zarobak — 1 miesca
Pa ŭzroŭni zarobkaŭ IT-siektar užo katory hod niedasiahalny dla astatnich siektaraŭ ekanomiki. Siaredni zarobak u IT (da vypłaty padatkaŭ) staŭ rekordnym za apošnija 5+ hadoŭ (chutčej za ŭsio, heta histaryčny rekord) i skłaŭ 9494,6 rubla. Syści ŭ jašče bolšy adryŭ halinie dapamahli, vierahodna, hadavyja bonusy i rost kursa dalara.
U najbližejšaha pieraślednika — «dziejnaść pasažyrskaha pavietranaha transpartu» — siaredni zarobak byŭ nižejšy na 20%, čym u ajcišnikaŭ. Kali paraŭnoŭvać z astatnimi vidami dziejnaści, jakija trapili ŭ top-10, to zarobak u IT vyšejšy ŭ 1,5-2,5 razy.
Top-10 vidaŭ dziejnaści pa ŭzroŭni siaredniaj zarpłaty ŭ śniežni 2024 (bruta / rubloŭ)
Upłyŭ na rost VUP — 6-je miesca
Biełaruskaja ekanomika vyrasła za minuły hod na 4%. Ale karyść ad IT vyjaviłasia minimalnaj na fonie astatnich halin.
Tolki ŭletku minułaha hoda IT-halina pierastała tarmazić ekanomiku ŭpieršyniu za dva hady. A pa vynikach usiaho 2024 hoda stanoŭčy ŭniosak IKT-siektara ŭ temp rostu VUP vyjaviŭsia krychu vyšejšym za nul. Heta apošniaje miesca siarod asnoŭnych vidaŭ dziejnaści.
Upłyŭ asnoŭnych vidaŭ ekanamičnaj dziejnaści na farmiravańnie tempu VUP u 2024 hodzie (u pracentach)
Dola śfiery infarmacyjna-kamunikacyjnych technałohij (IKT) u VUP rasła na praciahu pieršaj pałovy 2024 hoda. Kali pa vynikach studzienia dola była 3,8%, to pry kancy lipienia jana vyrasła da 4,9%. Pa vynikach hoda IKT nie ŭdałosia palepšyć hety pakazčyk. Jak vynik — 6 miesca siarod asnoŭnych vidaŭ dziejnaści.
Vyručka — 12-je miesca
IKT-siektar pa vynikach minułaha hoda zastaŭsia pa-za miežami topa-10 pa roście vyručki siarod asnoŭnych vidaŭ dziejnaści. Što praŭda, u druhim paŭhodździ siektaru ŭdałosia krychu vypravić stanovišča — pieramiaścicca z 13 na 12 miesca.
Akramia taho, u hety pieryjad krychu paskoryŭsia rost vyručki. Kali pa vynikach šaści miesiacaŭ vyručka ŭ IKT vyrasła na 8,8%, to pa vynikach studzienia-listapada — na 10,3%.
Vałavy ŭnutrany pradukt i vałavaja dabaŭlenaja vartaść
Rentabielnaść — 4-je miesca
Pa vynikach studzienia-listapada rentabielnaść prodažaŭ u IT i suviazi skłała 18,4%. Heta 4-je miesca siarod samych efiektyŭnych vidaŭ dziejnaści.
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»29
Kamientary