Pa viersii Minabarony RF, ukraincy bambili ŭžo zachoplenuju imi terytoryju RF, kab hetymi «źvierstvami» adciahnuć uvahu ad svaich inšych «źvierstvaŭ».
Ukrainskija vajskoŭcy ŭdaryli pa Sudžy, kab adciahnuć uvahu ad svaich źvierstvaŭ u Ruskim Parečnym u Kurskaj vobłaści, z takoj zajavaju vystupiła pres-słužba Minabarony RF.
«Hetaja pravakacyja nakiravana na adciahnieńnie suśvietnaj hramadskaj dumki ad źvierstvaŭ kijeŭskaha režymu, jakija ździejśnieny ŭ nasielenym punkcie Ruskaje Parečnaje Kurskaj vobłaści», — kanstatavali ŭ Minabarony RF. Pra što idzie hutarka, nie ŭdakładniajecca.
Vykonvajučy abaviazki hubiernatara Alaksandr Chinštejn dadaŭ, što dakładnych dadzienych ab paciarpiełych u vyniku rakietnaj ataki niama. «U lubym vypadku ŭdar rakietami pa internacie, u jakim mahli znachodzicca ludzi, — heta złačynstva, jakomu niama prabačeńnia i niama terminaŭ daŭnaści», — skazaŭ jon.
1 lutaha na škołu-internat horada Sudža Kurskaj vobłaści Rasii, jaki kantralujecca Ukrainaj, upała avijabomba, u vyniku čaho 95 čałaviek apynulisia pad zavałami.
Hienieralny štab USU paviedamiŭ, što na toj momant u budynku znachodzilisia miascovyja žychary, jakija rychtavalisia da evakuacyi, u tym liku žančyny i dzieci. Vajskoŭcy adznačajuć, što Rasija vałodała infarmacyjaj, što ŭ internacie byli vyklučna cyvilnyja asoby. Śćviardžajecca, što ŭdar rasijskimi vojskami byŭ naniesieny metanakiravana.
Padobny incydent — nie pieršy. Uviečary 11 studzienia rasijskija vojski ŭžo nanosili avijaŭdary ŭ rajonie internata ŭ horadzie Sudža, dzie znachodziacca pažyłyja ludzi. Tady ŭ vyniku ŭdaru adna žančyna zahinuła.
Rasijanie niekalki miesiacaŭ sprabujuć vybić ukraincaŭ z Kurskaj vobłaści, jakuju tyja častkova zaniali ŭ žniŭni 2024 hoda.
Na pachavańni snajpierki Maryi Zajcavaj u Kijevie byŭ zaŭvažany niezvyčajny bieł-čyrvona-bieły ściah3
Kamientary
Čto v otviet sdiełali rośsijanie i krieml - skinuli avia bombu na svoich žie hraždan. Diejstvitielno, začiem kriemlu i rośsii sotni svoich hraždan, čto na každom šahu rasskazyvajut o dobrych sołdatach VSU i o tom, kak ich priedali i brosili svoi žie vłasti? Problema ustraniena lubimym dla rośsijskich vłastiej sposobom - miertvyje pravdy nie rasskažut, a trupy možno vsiehda śpichnuť na druhuju storonu v efirie rośsijskich tielekanałov ustami kriemlevskich propahandistov.