Міністр абароны Украіны назваў найгоршы дзень свайго жыцця. Ён правёў яго ў Беларусі
Міністр абароны Украіны Аляксей Рэзнікаў даў вялікае інтэрвʼю іспанскаму выданню La Razon. У ім яго папрасілі назваць найгоршы дзень у жыцці.
Найгоршым днём свайго жыцця Рэзнікаў назваў той, які ён правёў у складзе ўкраінскай дэлегацыі, якая паехала ў Беларусь на перамовы ў сакавіку мінулага года.
«Было вельмі цяжка сказаць «так» прэзідэнту, калі ён папрасіў мяне, таму што я адчуваў глыбокую нянавісць да расіян. І, як перамоўшчык, я ведаю, што гэта эмоцыя, якая не прыносіць карысці. Гэта было жудасна — паціснуць руку ворагу. Было чатыры сустрэчы: тры ў Беларусі і адна ў Турцыі.
Скажу вам, што ў першых трох мы зусім не адчувалі сябе ў бяспецы і нават сумняваліся, што вернемся дадому», — сказаў Рэзнікаў.
Рэзнікаў таксама сказаў, што міністрам абароны ён стаў па просьбе Зяленскага і пасля заканчэння вайны мае намер сысці ў адстаўку.
«Хачу сысці ў адстаўку адразу пасля перамогі і далей жыць з жонкай у сваім доме як прыватная асоба», — сказаў ён.
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог4
Каментары