Абвінавачаных па справе Гайдукевіча асудзілі да велізарных тэрмінаў. Пракоп'еву далі завочна 25 гадоў

Вадзіму Пракоп'еву далі максімальна магчымы тэрмін — 25 гадоў узмоцненага рэжыму, з іх 5 гадоў турмы. Але завочна. Пры гэтым яму прысудзілі штраф памерам 1 тысяча рублёў. Кватэра ў цэнтры горада пакінутая пад арыштам. Акрамя таго, былы рэстаратар, як і іншыя фігуранты справы, пазбаўлены ўсіх воінскіх і спецыяльных званняў.

Абвінавачанне ставіла ў віну Вадзіму Пракоп'еву стварэнне арганізаванай злачыннай групоўкі, змову і распрацоўку плана па захопе ўлады. 

Уладзіславу Вайцяховічу — 21 год пазбаўлення волі (рэжым узмоцнены), першыя пяць гадоў — турэмны рэжым, пазбаўлены воінскага звання.

Ігару Чамякіну — 20 гадоў пазбаўлення волі (рэжым узмоцнены), першыя пяць гадоў — турэмны рэжым, пазбаўлены воінскага звання.

Сяргею Лісоўскаму — 20 гадоў пазбаўлення волі (рэжым узмоцнены), першыя пяць гадоў — адбыццё пакарання ва ўмовах турэмнага рэжыму, пазбаўлены воінскага звання.

Віталю Вайцяховічу — 19 гадоў пазбаўлення волі (рэжым узмоцнены).

Уладзіміру Савянкову — 16 гадоў пазбаўлення волі (рэжым узмоцнены), першыя пяць гадоў — турэмны рэжым, пазбаўлены воінскага звання.

Дзянісу Хаміцэвічу — 16 гадоў пазбаўлення волі (узмоцнены рэжым), першыя пяць гадоў — турэмны рэжым, пазбаўлены звання.

Сяргею Сакалову — 14 гадоў пазбаўлення волі (рэжым узмоцнены), штраф — 700 базавых велічынь, пазбаўлены воінскага звання.

Настассі Вайцяховіч — 11 гадоў пазбаўлення волі (агульны рэжым).

Вользе Петух — 10 гадоў пазбаўлення волі (агульны рэжым).

Мікалаю Рою — 12 гадоў пазбаўлення волі (рэжым узмоцнены).

Вользе Вайцяховіч — 11 гадоў пазбаўлення волі (агульны рэжым).

Дзмітрыю Невяркевічу — 11 гадоў пазбаўлення волі (рэжым узмоцнены), пазбаўлены права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў на тэрмін 5 гадоў, штраф — 3000 базавых велічынь.

Паўлу Чыхінскаму — 9 гадоў пазбаўлення волі (рэжым узмоцнены), пазбаўлены права займаць пасады, звязаныя з выкананнем функцый прадстаўніка ўлады тэрмінам 5 гадоў, пазбаўлены воінскага звання.

Пятру Юркевічу — 9 гадоў пазбаўлення волі (рэжым узмоцнены).

Дзянісу Філончыку — 9 гадоў пазбаўлення волі, рэжым узмоцнены.

Эдуарду Пестраку — 3,5 года пазбаўлення волі (рэжым узмоцнены), пазбаўлены права займаць пасады, звязаныя з выкананнем функцый прадстаўніка ўлады тэрмінам 5 гадоў, таксама пазбаўлены воінскага звання.

Аляксею Міхайлаву — 2 гады пазбаўлення волі ва ўмовах агульнага рэжыму. Вызвалены з-пад варты ў зале суда ў сувязі з адбыццём прызначанага тэрміну пакарання цалкам.

Павялічыць

Па справе праходзіла 18 абвінавачваных, з якіх 15 чалавек знаходзіліся пад вартай. Сярод іх — сям'я Вайцяховічаў з чатырох чалавек, Вольга Петух, Сяргей Лісоўскі. Завочна судзілі экс-рэстаратара Вадзіма Пракоп'ева і двух былых сілавікоў — Дзяніса Хаміцэвіча і Ігара Чамякіна.

Павялічыць

Дзяржаўнае абвінавачанне, якое прадстаўляў у тым ліку Максім Чупрыс, 6 чэрвеня запрасіла фігурантам справы ад 2 да 25 гадоў калоніі.

Павялічыць

Справу паводле 14 артыкулаў Крымінальнага кодэкса разглядаў Сяргей Хрыпач. Тэкст абвінавачання займаў 136 старонак.

• 5
• 0
• 1
• 2
• 2
• 4
• 45
• 0