45 (58). Mikoła Statkievič
Palitviazień, eks-kandydat u prezidenty.
Statkievič užo piaty hod u źniavoleńni. Palityk pryncypova nie piša prašeńniaŭ ab pamiłavańni. Padpałkoŭnik zapasu Statkievič byŭ najbolš žorstkim krytykam Łukašenki padčas kampanii 2010 hoda. Zaŭsiody biełaruskamoŭny, naščadak staražytnaha šlachieckaha rodu. Siońnia ad losu Statkieviča ŭ vialikaj stupieni zaležyć pierśpiektyva raźvićcia biełaruska-jeŭrapiejskich adnosin. Apazicyja razhladaje siarod varyjantaŭ na nastupnyja vybary vyłučeńnie Statkieviča ŭ jakaści adzinaha, a ŭłada niachaj reahuje jak choča. Sam Statkievič — nie suprać.
Cytata
«Prašeńnia ab pamiłavańni nie dačakajucca, ja indulhiencyjami nie handluju».
Ź lista na volu, luty 2014.
Abjektyŭka
Nar. u 1956 u vioscy Ladna Słuckaha rajona. Skončyŭ Minskaje vyšejšaje inžyniernaje zienitna-rakietnaje vučylišča (MVIZRV) SPA. Abaraniŭ kandydackuju dysiertacyju i vykładaŭ u MVIZRV. Kandydat techničnych navuk, padpałkoŭnik zapasu. 20 žniŭnia 1991 publična vystupiŭ suprać putču ŭ Maskvie. Tady ž abviaściŭ ab stvareńni Biełaruskaha zhurtavańnia vajskoŭcaŭ. Mikałaj Statkievič byŭ adnym z kandydataŭ u prezidenty na vybarach u 2010. Jaho aryštavali ŭ dzień Płoščy — 19 śniežnia 2010. Asudžany na 5,5 hoda źniavoleńnia. U adroźnieńnie ad niekatorych inšych kandydataŭ, nie pisaŭ prašeńnia ab vyzvaleńni.
* * *
Biełaruska nie znajšła siabie ŭ śpisie vypusknikoŭ škoły — ličyć, što praz palityčnyja pohlady2
Kamientary