KDK: U dačynieńni da słužbovych asob Tut.by raspačata kryminalnaja sprava pa niaspłacie padatkaŭ u asabliva bujnym pamiery
Źjaviŭsia aficyjny pres-reliz nakont siońniašnich padziej vakoł Tut.by. «Departamientam finansavych rasśledavańniaŭ KDK 18 maja ŭ dačynieńni da słužbovych asob TAA «Tut baj Miedyja» zaviedziena kryminalnaja sprava pa prykmietach składu złačynstva, praduhledžanaha č. 2 art. 243 KK (Uchileńnie ad vypłaty sum padatkaŭ, zboraŭ u asabliva bujnym pamiery)», — havorycca ŭ paviedamleńni.
«TAA «Tut baj Miedyja» ŭ 2019 hodzie atrymany status rezidenta Parku vysokich technałohij (PVT). Pavodle źviestak Departamienta finansavych rasśledavańniaŭ Tut.by była atrymanaja vyručka, nie abumoŭlenaja dziejnaściu, dazvolenaj dla rezidentaŭ PVT. Pra heta prainfarmavali dziaržaŭnuju ŭstanovu «Administracyja Parku vysokich technałohij», paviedamlaje BiełTA.
Na padstavie pradastaŭlenych DFR źviestak ab dapuščanych TAA parušeńniach Naziralnaj radaj PVT 18 maja pryniata rašeńnie ab stracie TAA «Tut baj Miedyja» prava na padatkovyja lhoty, jakija pradstaŭlajucca ŭ adpaviednaści z Dekretam prezidenta ad 22 vieraśnia 2005 hoda №12 «ab Parku vysokich technałohij», — havorycca ŭ paviedamleńni.
Jak dadali ŭ KDK, u vyniku nieabhruntavanaha vykarystańnia TAA «Tut baj miedyja» dziaržaŭnaj padtrymki jak rezidenta Parku vysokich technałohij dziaržavie byŭ naniesieny ŭron u asabliva bujnym pamiery.
Orhanami finansavych rasśledavańniaŭ Kamiteta dziaržkantrolu pravodziacca nieadkładnyja śledčyja i inšyja pracesualnyja dziejańni pa ŭstanaŭleńni ŭsich akaličnaściaŭ i asob, jakija majuć dačynieńnie da supraćpraŭnaj dziejnaści.
U Tut.by, rehijanalnyja ofisy i dachaty da Maryny Zołatavaj pryjšli siłaviki
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary