Chłopiec padniaŭ dziaŭčynu na ruki, upaŭ — i apynuŭsia na invalidnym vazku. Ale nie zdajecca

Da 2017-ha Andrej Babinski žyŭ zvyčajnym žyćciom. U červieni taho hoda, paśla paśpiachovaj letniaj siesii, 19-hadovy chłopiec vyjšaŭ na špacyr ź siabrami. U niejki momant jon padniaŭ na ruki svaju dziaŭčynu, spatyknuŭsia i ŭpaŭ. Chłopiec mocna ŭdaryŭsia hałavoj i šyjaj, vynik — zakryty askiepkavy pierałom šyjnych pazvankoŭ z udaram śpinnoha mozha.

Andrej raskazvaje ŭ tyktoku, što adrazu paśla padzieńnia daktary nie nadta vieryli ŭ jaho pierśpiektyvy — maŭlaŭ, kali i vyžyvie, usio roŭna nie zdoleje viarnucca da paŭnavartasnaha žyćcia, budzie paralizavany. Što da dziaŭčyny, jakuju jon padniaŭ na ruki ŭ toj samy dzień, to jany z Andrejem razyšlisia chutka paśla jaho trahičnaha padzieńnia.

@andrey_iskov Poddieržať mienia možno v šapkie profila, a tak žie nie zabud́ podpisaťsia Ty Možieš Bolšie Prosto Povieŕ #travma #šieja #dievuška #novajažizń ♬ orihinalnyj zvuk - OMUT

I tym nie mienš chłopiec zdoleŭ adaptavacca da novaha žyćcia i pryniać svaju invalidnaść. Andrej prajšoŭ praz šmat reabilitacyj. Na siońnia jon karystajecca invalidnym vazkom, tamu što nohi ŭ jaho paralizavanyja, taksama ŭ chłopca drenna dziejničajuć palcy na rukach. 

Andrej zajmajecca paralimpijskim sportam i zmoh atrymać zvańnie majstra sportu — jon kidaje bułavu. Atrymałasia vyjści na mižnarodny ŭzrovień: u červieni 2024-ha Babinski paŭdzielničaŭ u paralimpijskich spabornictvach u Paryžy, dzie zaniaŭ druhoje miesca ŭ svajoj katehoryi.

U sacsietkach chłopiec publikuje šmat kadraŭ sa zvyčajnaha žyćcia: naprykład, videa z kancertaŭ, padarožžaŭ i spartovych spabornictvaŭ. Jon zaŭzieje za chakiejnaje minskaje «Dynama». 

@andrey_iskov Poddieržať mienia možno v šapkie profila, a tak žie nie zabud́ podpisaťsia Ty Možieš Bolšie Prosto Povieŕ #travma #šieja #dievuška #novajažizń ♬ MUZYKA TIK TOKA PODPIŠIŚ - FANTAZIOR☑️ MUZYKA TOP ZVUKI ☑️

Pra adukacyju Andrej taksama nie zabyvaje — naprykład, jon kaža, što viedaje niekalki movaŭ prahramavańnia. A jašče ŭ jaho atrymałasia znajści kachańnie, i ŭ adnym z rolikaŭ chłopiec zhadvaje «doŭhačakanaje papaŭnieńnie».

Dla Andreja meta tyktoku — raskazvać i pakazvać na ŭłasnym prykładzie, što taki dyjahnaz, jak u jaho — heta nie prysud. Ciapier chłopiec maje 418 tysiač padpisčykaŭ.

Akramia ŭłasnaha žyćcia, jon časam dzielicca roznymi dumkami pra svoj stan i jaho pryniaćcie:

«Adzin momant źmianiŭ majo žyćcio, i ja zrazumieŭ — varta tolki inakš pahladzieć na rečy, i žyćcio paciače ŭ inšym kirunku».

• 3
• 0
• 0
• 0
• 0
• 0
• 0
• 1