Praź śpiešku CRU źliło imiony svaich maładych supracoŭnikaŭ, na jakich palujuć kitajskija śpiecsłužby
U ramkach kampanii skaračeńniaŭ CRU adpraviła ŭ Bieły dom niezašyfravany elektronny list sa śpisam usich maładych supracoŭnikaŭ, naniatych Upraŭleńniem u apošnija dva hady, piša New York Times. Siarod ich šmat śpiecyjalistaŭ pa Kitai.
Hetyja supracoŭniki jašče znachodzilisia na vyprabavalnym terminie, tamu ich značna praściej zvolnić. Vyprabavalny termin dla ahientaŭ i analitykaŭ CRU składaje da čatyroch hadoŭ.
U śpisie značacca imiony i pieršaja litara proźviščaŭ supracoŭnikaŭ, siarod jakich šmat maładych analitykaŭ i apieratyŭnikaŭ, jakija śpiecyjalizujucca na Kitai.
Ich asoby dahetul byli zasakrečanyja, bo kitajskija chakiery na zamovu ŭładaŭ aktyŭna sprabujuć ich identyfikavać.
Pierasyłka śpisu hetych ludziej emejłam pa nieabaronienym kanale pahražaje ŭciečkaj imionaŭ.
Pa słovach śpiecyjalistaŭ, imia i pieršaj litary proźvišča dastatkova, kab atrymać bolš poŭnuju infarmacyju pra čałavieka, sumiaściŭšy hetyja danyja ź inšaj infarmacyjaj — z pravoŭ kiroŭcy, numaroŭ mašyn, ulikovych zapisaŭ u sacyjalnych sietkach i z univiersitetaŭ, dzie CRU šukaje pierśpiektyŭnych vypusknikoŭ.
Praz prychod novaj Administracyi ŭ ZŠA CRU pravodzić skaračeńni i źmieny štata.
Pradstaŭnica CRU zajaviła ahienctvu Reuters, što takoje rašeńnie — heta «častka chalistyčnaj stratehii pa ŭlivańni novaj enierhii ŭ viedamstva».
«U hateli staić achova tolki praz toje, što ty biełaj rasy». Jak biełarus pracavaŭ u Vjetnamie, Zimbabve i Filipinach9
Kamientary
Hłavnoje, trillion, na ličnyje sčieta, połožiť..