U PVT źjaviłasia 48 novych rezidentaŭ, 15 — z zamiežnym kapitałam
Novymi rezidentami stali kampanii, jakija śpiecyjalizujucca ŭ takich halinach, jak miedycynskija technałohii, štučny intelekt, turyzm.
PVT paviedamiŭ pra pieršy nabor rezidentaŭ sioleta. Park papoŭniła 48 kampanij, ź ich 15 — z zamiežnym kapitałam, piša Devby.
Novymi rezidentami stali kampanii, jakija śpiecyjalizujucca ŭ takich halinach, jak miedycynskija technałohii, štučny intelekt, turyzm i dyzajn, raspracoŭka prahramnaha zabieśpiačeńnia, a taksama vytvorčaść mikramabilnaha transpartu i rabatyzavanych kompleksaŭ.
Novyja rezidenty
«Oksidžan Technoładžys» — raspracoŭščyk servisu na bazie AI-technałohij dla analizu renthienaŭskich zdymkaŭ hrudnoj kletki, aparatu apory i ruchu, kalennaha sustava, chrybietnika.
«BiełKrajTuryzm» zojmiecca raspracoŭkaj i raźvićciom markietpłejsa BelKraj.by dla ŭhod pamiž ułaśnikami žytła, turapieratarami, hidami i karystalnikami turystyčnych pasłuh,
«Niejra Dyzajn» budzie pracavać nad softam z vykarystańniem niejrasietak dla hienieravańnia dyzajnu interjeraŭ i eksterjeraŭ.
«AZON Rokiet Bieł» — centr raspracoŭki Ozon. Zojmiecca raspracoŭkaj, ukaranieńniem i supravadžeńniem softu dla hrupy kampanij.
«Iksar Łab» — raspracoŭščyk VR-kaściuma dla hulni ŭ futboł u virtualnaj realnaści i mabilnaj prahramy dla manitorynhu i kiravańnia razumnym kaściumam.
«BIEŁFIN» zojmiecca raspracoŭkaj i ŭkaranieńniem rabatyzavanych kompleksaŭ dla ciažkaha mašynabudavańnia, uklučajučy čyhunačny transpart, i inšych halin pramysłovaści.
«RND technałohii» — centr raspracoŭki kampanii «Jurentbajk.Ru». Płanuje raspracoŭvać prahramna-aparatnyja i prahramnyja rašeńni ŭ śfiery mikramabilnaha transpartu.
Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie8
Kamientary