Dośledny ŭzor hazonakasiłki Belarus prezientavaŭ Smarhonski ahrehatny zavod (SAZ), jaki ŭvachodzić u chołdynh MTZ. Mašyna maje pramysłovaje pryznačeńnie, efiektyŭnaja dla pakosu dvarovych i parkavych terytoryj, paviedamlajecca ŭ telehram-kanale MTZ.
Hazonakasiłku sprajektavali kanstruktary SAZ, śpiecyjalisty Minskaha traktarnaha zavoda raspracavali dyzajn-prajekt.
«Heta impartazamiaščalny pradukt, jaki budzie mieć canu nižejšuju, čym u zamiežnych anałahaŭ, i pry hetym nie sastupać im pa jakaści i mahčymaściach. Popyt na takija hazonakasiłki ŭ biełaruskich kamunalnych arhanizacyjach vialiki, tamu raźličvajem vyjści na masavy vypusk», — raspavioŭ namieśnik hałoŭnaha inžyniera AAT «SAZ» Dźmitryj Čyžeŭski.
U nastupnym hodzie płanujecca vypuścić partyju kasiłak dla pieradačy kamunalnaj haspadarcy Minska.
-
IT-kampanii ŭpieršyniu za try hady naniali bolš śpiecyjalistaŭ, čym zvolnili
-
Čynoŭniki rekamiendujuć biznesu skaracić kolkaść nadpisaŭ na zamiežnych movach na šyldach
-
«U HUŁAHu ŭvohule nie było rachunkaŭ za aciapleńnie». U siecivie spračajucca pra rolik, dzie palak chvalić tannuju biełaruskuju kamunałku
Bot Biełaruskaha Hajuna byŭ uzłamany. Chto tudy pisaŭ — pad pahrozaj1
Kamientary