Salvador prapanavaŭ ZŠA raźmiaščać ich asudžanych u siabie ŭ abmien na hrošy

Jak piša Financial Times, dziaržsakratar ZŠA Marka Rubia ŭ ramkach svajoj pieršaj mižnarodnaj pajezdki ździejśniŭ aficyjny vizit u Salvador z metaj zaklučyć pahadnieńni, jakija padtrymajuć palityku prezidenta Donalda Trampa pa baraćbie ź nielehalnaj imihracyjaj. Raniej Tramp akazvaŭ cisk na krainy Łacinskaj Amieryki, uklučajučy Mieksiku, Kałumbiju i Vieniesuełu, kab jany prymali departavanych mihrantaŭ, a taksama prapanoŭvaŭ utrymlivać asob z kryminalnym minułym na vajennaj bazie Huantanama na Kubie.

Jak paviedamlajecca, prezident Salvadora Naib Bukiele prapanavaŭ ZŠA pieradać častku asudžanych u turmy svajoj krainy ŭ abmien na hrašovuju kampiensacyju. Jon zajaviŭ, što hatovy prymać «tolki asudžanych złačyncaŭ (u tym liku hramadzian ZŠA)». Miescam dla ich raźmiaščeńnia pavinna stać «mieha-turma» CECOT (Centr utrymańnia terarystaŭ).

We have offered the United States of America the opportunity to outsource part of its prison system.

We are willing to take in only convicted criminals (including convicted U.S. citizens) into our mega-prison (CECOT) in exchange for a fee.

The fee would be relatively low for… pic.twitter.com/HTNwtp35Aq

— Nayib Bukele (@nayibbukele) February 4, 2025

«My prapanavali Złučanym Štatam Amieryki mahčymaść pieradać častku svajoj turemnaj sistemy na aŭtsorsinh», — napisaŭ Bukiele ŭ sacyjalnaj sietcy X. «Płata była b adnosna nievysokaj dla ZŠA, ale značnaj dla nas, što zrabiła b usiu našu turemnuju sistemu ŭstojlivaj».

Bukiele maje vysokija rejtynhi padtrymki ŭ rehijonie, u tym liku dziakujučy masavym aryštam, jakija dazvolili skaracić uzrovień złačynnaści. U vyniku jaho palityki bolš za 2% darosłaha nasielnictva krainy apynułasia za kratami. Mnohija z padazravanych hanhsteraŭ utrymlivajucca ŭ CECOT — adnoj z najbujniejšych turmaŭ maksimalnaj biaśpieki ŭ śviecie. Pavodle miascovych ŚMI, u žniŭni CECOT byŭ zapoŭnieny tolki na 36% svajoj maksimalnaj umiaščalnaści ŭ 40 000 čałaviek.

BREAKING: El Salvador and the United States have agreed on a plan to hold some of America's worst criminals in El Salvador's CECOT, considered the least "FUN" prison in the world.

Let's see how the thugs of Chicago, Atlanta, New York, LA, etc, enjoy the vacation there. pic.twitter.com/QyamD4o390

— George (@BehizyTweets) February 4, 2025

Dziarždepartamient ZŠA nazvaŭ hetuju inicyjatyvu «biesprecedentnym žestam, jaki raniej nie rabiła nivodnaja kraina». Ale pakul nie jasna, ci prymie Vašynhton prapanovu.

• 3
• 0
• 0
• 0
• 1
• 0
• 0
• 0