Daniejka: U Nacbanku šmat prafiesijanałaŭ, jakija b mahli ruchać reformy
Viadomy ekanamist, administratyŭny dyrektar Centra ekanamičnych daśledavańniaŭ BEROC Pavieł Daniejka ŭ novym vypusku TOKu vykazaŭsia pra siońniašnich čynoŭnikaŭ i nazvaŭ ličbu kolkaści kadraŭ dla praviadzieńnia reform.
Na dumku Paŭła Daniejki, šmat chto ź biełaruskich čynoŭnikaŭ zasłuhoŭvaje dobraha słova.
«My supracoŭničali z ekanamičnym błokam. Tam dastatkova šmat prafiesijanałaŭ, naprykład, u Nacbanku, jakija mahli b ruchać reformy», — adznačyŭ ekśpiert.
Daniejka zhadaŭ, što kaliści ŭ razmovie z Jarasłavam Ramančukom padličyŭ, kolki nieabchodna čałaviek, kab pravieści zamienu kadraŭ u aparacie, jaki pavinien rabić reformy.
«Heta było chiba, u 1995-m hodzie. Jon skazaŭ: «My vyjhrajem parłamienckija vybary, pamianiajem usich i zrobim reformy». Ja spytaŭ, kolki čałaviek treba, kolki budzie ministraŭ. Jon adkazaŭ, što maksimum 20 ministerstvaŭ. Heta 20 ministraŭ. A kolki namieśnikaŭ? Umoŭna pa dva. A kolki ŭpraŭleńniaŭ? Pa dva pad kožnym namieśnikam ministra. U kožnym upraŭleńni pa dva adździeły. Akramia hetaha treba i abłasnyja centry.
Ja jamu paličyŭ, što aparat, jaki pavinien rabić reformy, heta 1200 kvalifikavanych ludziej z kaštoŭnasnaj aryjentacyjaj. I ŭ maim razumieńni, u nas jość takija ludzi ŭ sistemie. Nu, moža, 900».
Hladzicie całkam:
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary