Spartsmienku ź Indyi nie dapuścili da alimpijskaha finału z-za 100 hramaŭ lišniaj vahi. Jana straciła i srebra
Spartsmienka ź Indyi Vinieš Pchahat, jakaja prabiłasia ŭ finał turniru ŭ volnaj baraćbie na Alimpijadzie ŭ Paryžy, była dyskvalifikavanaja praź pieravyšeńnie dazvolenaj vahi na 100 hramaŭ.
7 žniŭnia indyjka pavinna była pazmahacca za załaty miedal u vahavaj katehoryi da 50 kh z amierykankaj Saraj Childebrant.
Vinieš upeŭniena prajšła ŭzvažvańnie pierad papiarednimi raŭndami. Adnak za dzień da finału jaje vaha pieravysiła normu na dva kiłahramy.
Pavodle paviedamleńniaŭ ŚMI, 29-hadovaja Pchahat nie spała ŭsiu noč, zajmajučysia takimi aktyŭnymi vidami sportu, jak bieh truškom, skački sa skakałkami i jazda na rovary, u adčajnaj sprobie adpaviadać vahavym kryteryjam. Ale, niahledziačy na heta, ranicaj 7 žniŭnia ŭ jaje ŭsio adno była praźmiernaja vaha ŭ 100 hramaŭ.
Pchahat užo sutykałasia z padobnymi prablemami ŭ minułym, kali trapiła ŭ vahavuju katehoryju 50 kh, što nižej za jaje zvyčajnuju vahavuju katehoryi 53 kh. Navat padčas alimpijskich adboračnych spabornictvaŭ joj pastajanna davodziłasia zmahacca ź lišniaj vahoj.
Hetym razam paśla ŭzvažvańnia spartsmienku adpravili ŭ balnicu Alimpijskaj vioski, dzie jana straciła prytomnaść ad abiazvodžvańnia. Samaje dla jaje trahičnaje toje, što zhodna z praviłami z-za dyskvalifikacyi jana ciapier nie atrymaje navat srebranaha miedala, jaki byŭ joj nibyta harantavany.
Tym nie mienš Pchahat stała pieršaj žančynaj-barčychaj ź Indyi, jakaja dajšła da finału Alimpijskich hulniaŭ. Premjer-ministr Indyi Narendra Modzi ŭ znak padtrymki spartsmienki nazvaŭ u sacyjalnaj sietcy X Pchahat «čempijonkaj siarod čempijonaŭ», honaram Indyi i krynicaj natchnieńnia dla kožnaha indyjca.
Hurcyjeŭ bolš nie maje šancaŭ pazmahacca za bronzu ŭ tchekvando na Alimpijadzie
U instahramie miemnaha strałka z Alimpijady adšukaŭsia biełaruski śled
Arman Dziupłancis ustanaviŭ novy fantastyčny suśvietny rekord u skačkach z šastom na Alimpijadzie
Leśbijanka z Kamieruna pryniesła pieršy ŭ historyi miedal alimpijskaj zbornaj biežancaŭ
«Maja pamyłka, što zapisvaju videa». Čym skončylisia rezanansnyja zvaroty da Łukašenki?10
Kamientary