Łukašenku prezientavali kancepcyju novaha budynka Nacyjanalnaha histaryčnaha muzieja. Dzie jon raźmieścicca?
Alaksandr Łukašenka siońnia sabraŭ naradu pa pytańniach architekturnaha rašeńnia i kancepcyi ekspazicyi kulturna-histaryčnaha kompleksu «Nacyjanalny histaryčny muziej», piša BiełTA.
Płanujecca, što Nacyjanalny histaryčny muziej raźmieścicca ŭ Centralnym rajonie Minska na ŭčastku pamiž praśpiektam Pieramožcaŭ — vuł. Arłoŭskaj i rakoj Śvisłač. Tut, dzie raniej pracavaŭ park «Drymłend», prapanujecca stvaryć park Narodnaha adzinstva, jaki stanie častkaj vodna-zialonaha dyjamietra horada.
Płanirovačnaje rašeńnie budynka Nacyjanalnaha histaryčnaha muzieja paŭtaraje kontur karty Biełarusi. Ekspazicyja muzieja budzie źmiaščać ekspanaty i infarmacyju pra historyju biełaruskich ziamiel, pačynajučy sa staražytnych časoŭ i zakančvajučy sučasnaściu. Pierad muziejem zaprajektavana płošča sa skulpturnaj kampazicyjaj «Biełaruś adzinaja».
Kamientary
(nie!)