Hramadstva88

U kanfiskacie Homiela źjaviŭsia luksavy abutak — krasoŭki amal za 4 tysiačy rubloŭ. Žychary ŭražanyja

U adnym z kanfiskataŭ Homiela možna nabyć šlopki D&G dy krasoŭki Gucci. Ceny takija, što ludzi žartujuć: niekatoryja naviedvalniki kramy na ceńnikach bačać svoj zarobak.

Skrynšot videa ŭ tyktoku

Videa z kramy «Vaš vybar» źjaviłasia ŭ tyktoku pad huk «Nastupny prypynak: Respublikanskaja psichičnaja balnica. Kancavy». Bačna, što na vitrynie staić brendavy abutak — šlopki D&G za 820 rubloŭ, krasoŭki Gucci za 900 rubloŭ, kiedy Philipp Plein za 571 rubiel.

Za kadram śmiajecca žančyna, a aŭtar videa ździŭlajecca: 

— Pačakajcie, heta biełaruski kanfiskat. Heta mocna.

@pimkoftravel #konfiskat#homiel ♬ prapynakdurkakancavy - tgg

Za piać dzion rolik nabraŭ 767 tysiač prahladaŭ i bolš za 15 tysiač łajkaŭ. A ŭ kamientarach pačałasia dyskusija nakont taho, ci mohuć być takija ceny ŭ kramie, kali dziaržava atrymała rečy darma. Tym bolš, kuplajučy ŭ kanfiskacie tavar, čałaviek zastajecca biez harantyi i navat nie moža być upeŭnienym u tym, što atrymaŭ sapraŭdy brendavuju reč, a nie tannuju padrobku.

Darečy, na sajcie konfiskat.by možna pabačyć, što ŭ homielskim kanfiskacie pradajuć i bolš darahija rečy. Naprykład, žanočyja kurtki Prada za 6515 rubloŭ ci Rindi (paznačana, što ŭ druhim vypadku kraina-vyrabnik nieviadomaja) za 3064 rubli, palito Burberry u roznych kolerach za 5075 rubloŭ. Mužčynam prapanujuć ciomna-sini pinžak Celine za 2915 rubloŭ, puchavik Baldinini za 2324 rubli.

Skrynšot sajta konfiskat.by

Dy i abutak jość značna daražejšy za toj, jaki pabačyŭ na vitrynach karystalnik tyktoku. Naprykład, prapanoŭvajuć nabyć žanočyja krasoŭki Hermes, košt jakich nabližajecca da 4 tysiač rubloŭ, dutyja boty Gucci & Balensiaga za 3344 rubli ci boty Foster za 2822 rubli.

Nahadajem: sietka kramaŭ «Vaš vybar» handluje tavarami, jakija byli kanfiskavanyja — heta moža być jak kantrabanda ź miažy, tak i aryštavanaja ŭ miežach kryminalnych spraŭ majomaść. Paśla 2020 hoda zdaralisia vypadki, kali ŭ takich kramach znachodzili rečy, kanfiskavanyja ŭ palitźniavolenych.

Kamientary8

  • šuba kačanavaj
    02.10.2024
    jakoje kałhasnaje palito za 5075 rubloŭ
  • Łupy
    02.10.2024
    Narabavanaje ŭ ludziej, voś što ŭ kanfiskacie. Bolš ničoha inšaha
  • babrujčanin
    02.10.2024
    Nikoli nidzie navat pahladzieć ni zachodziŭ u padobnyja kramy adzialeńnia
    Ahidna Zapadło..
    Heta jak kradziennaja skuplać ci ŭ ałkaša

Z 1 lutaha ZŠA ŭvodziać vysokija myty suprać tavaraŭ z Kitaja, Kanady i Mieksiki14

Z 1 lutaha ZŠA ŭvodziać vysokija myty suprać tavaraŭ z Kitaja, Kanady i Mieksiki

Usie naviny →
Usie naviny

U Maskvie 11-hadovaja dziaŭčynka zabiła babulu, bo joj nie dazvolili pajści na prahułku2

Jaki horad u Biełarusi samy soniečny?34

U Hrodnie zaŭvažyli pieršaha matylka1

«Zaŭsiody z uśmieškaj». Byłaja źniavolenaja raskazała pra homielskuju žurnalistku Łarysu Ščyrakovu

U Šviecyi asudzili mužčynu, jaki pjany kiravaŭ dronam. Takoje ŭpieršyniu ŭ historyi

U Baranavickim rajonie žančynu, vierahodna, zahryźli žyvioły

Prydniastroŭje damoviłasia z Małdovaj ab pastaŭkach hazu biez Rasii2

Lan Veńfen — tajemny zasnavalnik DeepSeek, jaki pieraviarnuŭ śviet štučnaha intelektu6

550 rubloŭ za adzin artykuł. Kolki prapahandysty ŭ SB zarabili na ačarnieńni Bialackaha, Daškieviča i Zołatavaj5

bolš čytanych navin
bolš łajkanych navin

Z 1 lutaha ZŠA ŭvodziać vysokija myty suprać tavaraŭ z Kitaja, Kanady i Mieksiki14

Z 1 lutaha ZŠA ŭvodziać vysokija myty suprać tavaraŭ z Kitaja, Kanady i Mieksiki

Hałoŭnaje
Usie naviny →

Zaŭvaha:

 

 

 

 

Zakryć Paviedamić