U konkursie na najlepšuju paštovuju marku treci hod zapar pieramahaje rabota, źviazanaja ź siłavikami
«Biełpošta» padviała vyniki anłajn-hałasavańnia ŭ konkursie «Najlepšaja paštovaja marka Respubliki Biełaruś 2024 hoda». Pavodle ich, pieramahła marka, pryśviečanaja hadavinie vyvadu savieckich vojskaŭ z Afhanistana.
Hałasavańnie pravodziłasia z 9 pa 23 śniežnia na płatformie internet-partała RUP «Biełpošta». U anłajn-hałasavańni pryniali ŭdzieł 9484 čałavieki.
4456 hałasoŭ, to-bok amal pałova, byli addadzienyja za paštovy błok aŭtarstva dyzajnierki Maryny Kruza «35-hodździe vyvadu savieckich vojskaŭ z Afhanistana».
Druhoje miesca — u raboty mastaka Alaksandra Micianina i dyzajnierki Maryny Kruza «Jeŭrapiejski zubr», jakaja sabrała 3215 hałasoŭ.
Treciaje miesca zdabyŭ mały list Alaksandra Micianina i Maryny Kruza «Ptuški Biełarusi. Krumkačovyja» — u jaho 405 hałasoŭ.
Treba adznačyć, što ŭ konkursie «Biełpošty» ŭžo treci hod pieramahajuć marki, źviazanyja ź siłavymi strukturami. U minułym hodzie heta była marka «Ratavalnik», pryśviečanaja supracoŭnikam Ministerstva nadzvyčajnych situacyj, a ŭ 2022-m — marka «Słužbovyja sabaki Pamiežnaj słužby Biełarusi».
Pry hetym konkurs 2022 hoda nie abyšoŭsia biez skandału z palityčnym adcieńniem. Tady adnym z pretendentaŭ na pieramohu, kali konkurs u kancy 2022 hoda tolki abviaścili, była marka likvidavanaj arhanizacyi «Achova ptušak Baćkaŭščyny» z vyjavaj biełaj sinicy, ale jaje adrazu ž źniali z konkursu, kali jana tolki stała vybivacca napierad.
«Biełpošta» źbirajecca stvaryć kankurenta Wildberries
Pahladzicie, jakuju pryhožuju marku vypuściać vialikim nakładam u Biełarusi FOTAFAKT
U konkursie na najlepšuju paštovuju marku hoda sioleta znoŭ pieramahli siłaviki
Zamiest biełaj sinicy ŭ konkursie «Biełpošty» pieramahli słužbovyja sabaki siłavikoŭ
«Biełpošta» źniała z hałasavańnia marku ź biełaj sinicaj
Prapahandysty apałčylisia suprać biełaj sinicy
Kamientary