Кіраўнік Федэрацыі хакея Беларусі Дзмітрый Баскаў днямі пакінуў раду дырэктараў БСБ Банка, у якую ўвайшоў у 2019 годзе, піша Tut.by.
Баскава змяніў Аляксандр Галаў. Цяпер ён уваходзіць у назіральную раду Франсабанка. Апошнія 15 гадоў Галаў працаваў у Нацбанку на кіруючых пасадах.
Старшынёй рады дырэктараў БСБ Банка з'яўляецца Надзея Ермакова. Яна прыйшла сюды ў 2017 годзе на фоне разборак БСБ Банка з Нацыянальным банкам.
У раду БСБ Банка таксама ўваходзяць намеснік дырэктара кампаніі «Сем пагоркаў Бел» Сяргей Кагановіч і банкір са шматгадовым стажам Анатоль Усцінчык.
У 2020 годзе Кагановіч і Баскаў сталі ўладальнікамі акумулятарнага завода пад Брэстам.
Апошнім часам Дзмітрый Баскаў быў фігурантам шэрагу скандалаў. У прыватнасці, яго апазналі сярод удзельнікаў бойкі на «плошчы Пераменаў», пасля якой атрымаў сур'ёзныя траўмы і памёр Раман Бандарэнка.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9
Каментары