Грамадства33

ААН прызнала, што ў Беларусі пасля выбараў былі ў тым ліку злачынствы супраць чалавечнасці

Выйшаў даклад Вярхоўнага камісара Арганізацыі Аб'яднаных Нацый па правах чалавека «Становішча ў галіне правоў чалавека ў Беларусі на парозе прэзідэнцкіх выбараў 2020 года і пасля іх». У дакладзе зроблена выснова: ёсць дастатковыя падставы меркаваць, што ў Беларусі адбываліся і адбываюцца сістэматычныя, масавыя і грубыя парушэнні правоў чалавека, а некаторыя з парушэнняў могуць таксама прыраўноўвацца да злачынстваў супраць чалавечнасці. «Вясна» коратка прыводзіць яго змест.

Даклад прадстаўлены ў выкананне рэзалюцыі 49/26 Рады па правах чалавека і ў межах 52-й сесіі ААН, якая праходзіць цяпер у Жэневе (27 лютага — 31 сакавіка 2023 года). Даклад ахоплівае падзеі ў Беларусі з 1 мая 2020 года на парозе прэзідэнцкіх выбараў 2020 года па 31 снежня 2022 года і заснаваны на дэтальным аналізе 207 гутарак з ахвярамі і сведкамі, прадстаўнікамі недзяржаўных арганізацый, журналістамі, адвакатамі і медыцынскімі работнікамі. У дакладзе ахоплены наступныя тэмы:

  • неапраўданае і несуразмернае прымяненне сілы,
  • катаванні і іншыя жорсткія, бесчалавечныя ці зневажаючыя годнасць віды абыходжання і пакарання,
  • адвольныя арышты і затрыманні,
  • права на належную законную працэдуру і справядлівы судовы разбор,
  • свабода слова, мірных сходаў і асацыяцый,
  • сэксуальны і гендарны гвалт,
  • разлучэнне з дзецьмі і неправамернае ўмяшанне ў сямейнае жыццё,
  • выгнанне.

«Пасля прэзідэнцкіх выбараў 2020 года ў Беларусі не менш за 100 000 чалавек схаваліся за мяжой. Людзі былі вымушаныя пакінуць краіну і не маглі бяспечна вярнуцца праз пагрозы адвольнага затрымання, жорсткага абыходжання, а таксама парушэнняў эканамічных, сацыяльных і культурных правоў. Такое перамяшчэнне непасрэдна звязана з палітыкай і практыкай кіраўніцтва Беларусі, у тым ліку з масавым падаўленнем іншадумства і наўмысна створанай атмасферай варожасці, якая перашкаджае бяспечнаму вяртанню», — гаворыцца ў дакладзе пра выгнанне.

Даклад таксама згадвае Канстытуцыйныя папраўкі, унесеныя ў 2022 годзе, якія прадугледжваюць магчымасць пазбаўлення грамадзянства, а таксама закон, які дазваляе пазбавіць грамадзянства асобу, асуджаную за «ўдзел у экстрэмісцкай дзейнасці альбо прычыненне цяжкай шкоды інтарэсам Рэспублікі Беларусь».

«Закон скіраваны супраць тых, хто «збег і прычыняе шкоду краіне», — спасылаюцца на выказванні ўлад дакладчыкі.

Таксама ААН адзначае, што Канстытуцыя Беларусі захоўвае смяротнае пакаранне, значна пашыраючы сферу дзеяння Крымінальнага кодэкса.

«Зараз смяротнае пакаранне можа быць вынесена за злачынствы, не звязаныя з наўмысным забойствам, у парушэнне мінімальных міжнародных стандартаў прымянення смяротнага пакарання, якія абмяжоўваюць яго найбольш цяжкімі злачынствамі, звязанымі з наўмысным забойствам».

Сярод вынікаў даклада прагучала і тое, што некаторыя з парушэнняў у Беларусі «могуць таксама прыраўноўвацца да злачынстваў супраць чалавечнасці».

Каментары3

  • Mar
    17.03.2023
    [Рэд. выдалена]
  • Проста жыхар
    17.03.2023
    Mar, пан бардзо добжэ муві па польску. Пшэпрошам, чы ты естэш курдэ?
  • Litvin
    18.03.2023
    [Рэд. выдалена]

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Усе навіны →
Усе навіны

У Мінску проста на дарозе загарэўся трактар з прычэпам2

Аляксандр Лукашук: Аднойчы мяне прадставілі ў эфіры: «На сувязі з намі Аляксандр Лукашэнка». Мая мама плакала10

Паўлу Вабішчэвічу, якога абвінавацілі нібыта ў спробе падрыву пасажырскага цягніка, далі 23 гады калоніі3

EPAM і Wargaming заплацілі самыя вялікія падаткі сярод усіх літоўскіх IT-кампаній10

Спецпрадстаўнік ЗША: Санкцыі супраць Расіі працуюць «на 3 балы з 10», іх можна ўзмацніць14

Беларускую добраахвотніцу Марыю Зайцаву пахавалі на могілках у Кіеве ФОТА3

Ва Уруччы пабудуюць чатыры шматпавярховікі4

Мілы сабака на запраўцы, што радуецца любому чалавеку, скарае сацсеткі18

ЗВР Беларусі дасягнулі 9 мільярдаў даляраў7

больш чытаных навін
больш лайканых навін

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Галоўнае
Усе навіны →

Заўвага:

 

 

 

 

Закрыць Паведаміць