Łukašenka treci dzień nie źjaŭlajecca na publicy. Admienienaja daŭno zapłanavanaja narada
Apošni raz na publicy Alaksandr Łukašenka pakazvaŭsia 9 maja. U toj dzień jon pryjechaŭ na ŭskładańnie kvietak na minskaj płoščy Pieramohi, ale nie staŭ vystupać z tradycyjnaj pramovaj, delehavaŭšy heta ministru abarony Viktaru Chreninu. Vyhladaje, što chvaroba praciahvajecca.
Ranicaj 9 maja Łukašenka prysutničaŭ na paradzie ŭ Maskvie. Jon vyhladaŭ chvorym, na ruce byŭ bint. Palityk nie zmoh prajści 300 mietraŭ ad trybuny da Alaksandraŭskaha sadu razam ź inšymi kiraŭnikami krain, i jaho advieźli elektramabilem.
Adrazu paśla davoli karotkaj cyrymonii ŭskładańnia kvietak Łukašenka źjechaŭ, nie zastaŭšysia na śniadanak u Pucina.
Na apošnich mierapryjemstvach, dzie vystupaŭ Łukašenka, u jaho byŭ asipły hołas — što typova dla farynhitu i tanzilitu.
Pa infarmacyi kanała «Motolko Pomohi», 11 maja musiła prajści narada z udziełam Łukašenki pa temie karupcyi i aryštaŭ daktaroŭ. Zapłanavana jana była daŭno, ale ŭ vyniku admianiłasia.
U kanale łukašenkaŭskaj pres-słužby paśla 9 maja nie było nijakich fota palityka. Tolki 12 maja źjaviłasia navina, što Łukašenka nibyta nakiravaŭ adkaz u adras pres-sekratara AAN na zaprašeńnie pryniać udzieł u samicie pa metach ustojlivaha raźvićcia. Infarmacyja była raźmieščana ad imia pres-słužby.
«Naša Niva» — bastyjon biełaruščyny
PADTRYMAĆ«Šapnuli, što padchapiŭ zarazu». Što biełaruskija i rasijskija prapahandysty napisali pra stan Łukašenki
Łukašenka nie vystupiŭ z pramovaj na płoščy Pieramohi ŭpieršyniu za čas svajho kiravańnia
Alaksandr Łukašenka nie prajšoŭ razam z Pucinym i inšymi haściami Kramla 300 mietraŭ pieški ŭ Alaksandraŭski sad
Biełaruskaje telebačańnie 90-ch: uzhadvajem jarkija prajekty i papularnych viadučych6
Kamientary