U Minsku mužčyna dva hady abkradaŭ kvatery, załaziačy ŭ ich praz vokny
Pres-słužba Śledčaha kamiteta paviedamlaje pra raskryćcio sieryi kvaternych kradziažoŭ, jakaja pačałasia ŭ mai 2022 hoda i praciahvałasia da niadaŭniaha času. Sieryja była abjadnanaja adzinym počyrkam, charakternym dla złačyncy.
U 2022 hodzie ŭ milicyju źviarnułasia siamja, jakaja vyjaviła prapažu z kvatery upryhožvańniaŭ i hrošaj. Paciarpiełyja paviedamili, što akno, pakinutaje pierad vychadam z domu na pravietryvańnie, čamuści adkryłasia naściež.
Nastupny vypadak adbyŭsia praź niekalki miesiacaŭ u domie pa vulicy Kachoŭskaj. Siamja, adjazdžajučy na vychodnyja, taksama pakinuła vokny na pravietryvańnie. Paśla pryjezdu dadomu ludzi zaŭvažyli, što ŭ kvatery chtości byŭ, a nieŭzabavie vyjavili i adsutnaść kaštoŭnaściaŭ. Kali paciarpiełyja źviarnulisia ŭ milicyju, to daviedalisia, što susiedniuju kvateru taksama abkrali.
Usie try epizody abjadnoŭvała niekalki adnolkavych detalaŭ — abkradzienyja kvatery znachodzilisia na pieršym paviersie, sposab praniknieńnia ŭ žyllo byŭ praz akno, pakinutaje na pravietryvańnie, a źnikali ŭ asnoŭnym tolki kaštoŭnaści abo hrošy.
Paśla dvajnoha kradziažu ŭ žniŭni złodziej staiŭsia až da sakavika 2023 hoda. U hetym miesiacy ŭ milicyju znoŭ pačali pastupać paviedamleńni ab źniknieńni kaštoŭnaściaŭ.
«Amal identyčnaja karcina złačynstvaŭ kančatkova pierakanała śledstva, što kradziažy, jakija adbylisia, — sprava ruk adnaho čałavieka. Užo ŭ pačatku 2024 hoda supracoŭniki milicyi zatrymali mierkavanaha kvaternaha złodzieja. Im akazaŭsia 39-hadovy žychar stalicy», — havorycca ŭ paviedamleńni.
Akazałasia, mužčyna raniej užo adbyvaŭ pakarańnie za kradziež. Paśla vyzvaleńnia jon viarnuŭsia da złačynnaha promysłu: nabyŭ admyčki, adviortki, a taksama śpiecyjalny łom, paśla čaho pačaŭ pošuki adpaviednych kvater. Vybiraŭ jon vyklučna žyllo na pieršym paviersie, pakinutaje haspadarami na pravietryvańnie.
Padazravanamu doŭha ŭdavałasia chavacca tamu, što skradzienyja rečy jon adrazu vioz da svajakoŭ u inšy horad, a astatniaje zbyvaŭ praz sužycielku. Pry pieratrusach niekatoryja ŭpryhažeńni i asabistyja rečy paciarpiełych znajšli ŭ baćkoŭ i byłoj žonki abvinavačanaha.
Na dopytach zatrymany kateharyčna admaŭlaŭ svaju vinu.
«Pavodziŭ siabie vielmi dziorzka i samaŭpeŭniena, na vystaŭlanyja dokazy ŭ jaho zaŭsiody mieŭsia važki kontrarhumient. Akramia taho, jahonaje blizkaje asiarodździe taksama nie pryznavała toj fakt, što im było viadoma pra niezakonny zarobak svajaka», — dadali ŭ Śledčym kamitecie.
Usiaho z 2022 pa 2023 hod fihurant, jak śćviardžajecca, abakraŭ piać kvater na sumu bolš za 20 tysiač rubloŭ. Mužčynu vystaŭlena abvinavačvańnie pa č. 3 art. 205 (kradziež, ździejśnieny ŭ bujnym pamiery) Kryminalnaha kodeksa. Jon uziaty pad vartu.
Ci varta biełaruskim niezaležnym miedyja brać hrošy ŭ Chadarkoŭskaha? Adkazvajuć Knyrovič, Stryžak i Paŭlučenka8
Kamientary
kohda i kak
po obrazu čieho priepodobija
voźnik t.n. SK - t.ie. jeŝie odna struktura nad strukturoj