Źjaviłasia dypfejkavaja videazajava Cichanoŭskaj, što jana idzie ŭ adstaŭku. Rychtavalisia davoli staranna
Siońnia pa biełaruskich čatach adbyłasia čarhovaja rassyłka. U kamientarach da fejkavaha dopisa śpiecsłužbisty łajuć Cichanoŭskuju dy prapanujuć joj iści ŭ adstaŭku.
Fejkavy dopis pierapoščvajuć z poŭnaj kopii aficyjnaha kanała Śviatłany Cichanoŭskaj. U im skapijavanaja navat kolkaść padpisantaŭ (da sotniaŭ), a taksama šmat pastoŭ z aryhinalnaha kanała Cichanoŭskaj. Tamu ŭ pieršy momant niekrytyčnyja spažyŭcy hetaha kantentu mohuć sapraŭdy pavieryć, što zvarot naležyć demakratyčnaj lidarcy.
Fejkavy zvarot śćviardžaje, što Śviatłana Cichanoŭskaja pakidaje svaju pasadu i sastupaje miesca Paŭłu Łatušku. Videa zroblenaje z dapamohaj niejrasietak.
U čatach adrazu paśla repostaŭ śpiecsłužbisty sami pačynajuć z saboj svarycca z całkam pustych akaŭntaŭ.
Śviatłana Cichanoŭskaja ŭžo adreahavała na hety ŭkid, raźmiaściŭšy karotki zvarot u svaim sapraŭdnym telehram-kanale.
«Ja była ŭ darozie i nie zmahła adrazu adreahavać na fejkavaje videa, jakoje źjaviłasia, pra toje, što ja niekudy sychodžu, — adznačyła nacyjanalnaja lidarka. — Maje darahija biełarusy dy biełarusački, ja, viadoma, zastajusia z vami plačo ŭ plačo, kab praciahvać našu baraćbu dziela našaj rodnaj Biełarusi».
Adznačym, što hetaja rassyłka zroblenaja dakładna pa toj ža schiemie, što i minułaja rassyłka nibyta ad kanała «Česnych ludziej».
«Naša Niva» — bastyjon biełaruščyny
PADTRYMAĆ«Chachłuša kanał viadzie». Fanatka Łukašenki abraziła ŭkrainku i palivaje brudam Litvu, dzie sama pracuje26
Kamientary
Śvieta ostanietsia s nami, ostanietsia s nami
Vsio budiet OK.