Беларуска нарадзіла трэці раз у 19 гадоў і стала самай маладой шматдзетнай мамай у краіне
Жыхарка гарадскога пасёлка Уваравічы Буда-Кашалёўскага раёна, 19-гадовая Марыя Сінцова афіцыйна стала самай юнай шматдзетнай мамай Беларусі. Першае дзіця з'явілася ў дзяўчыны ў 15 гадоў, другое — праз год, піша Onliner.by.
Трэцяга нованароджанага назвалі Сцяпанам. На гэты раз роды былі партнёрскімі — муж прысутнічаў падчас працэсу. Падрабязнасцямі дзяўчына падзялілася ў сацсетках.
Па словах усё яшчэ маладой шматдзетнай мамы, трэція роды былі самымі лёгкімі і найменш траўмуючымі ў фізічным і маральным плане.
— Першыя і другія роды: акушэрская агрэсія, выціскалі дзіця, знявагі і абразы ад медперсаналу, разыходжанне швоў. Трэція роды (партнёрскія) у іншай радзільні, пасля якой я была ў шоку, што роды могуць быць такімі лёгкімі, — успамінае Марыя. Падрабязнасці партнёрскіх родаў дзяўчына апісвае так:
— Паднялі на патрэбны паверх, паглядзелі раскрыццё і паклікалі мужа. Яго пераапранулі ў хірургічны касцюм. Нам выдалі асобную палату з двума ложкамі. Там яшчэ былі чайнік і вентылятар. У мяне ўзялі кроў з вены, паставілі катэтар і паклалі на КТГ. Затым я папрасіла мужа схадзіць за фітболам, большую частку правяла на ім. У 10:30 мяне паклікалі на агляд, было 7 сантыметраў, мне пракалолі пухір. Я захацела паставіць абязбольвальнае, бо спала ўсяго толькі тры гадзіны. У выніку яно спрацавала не так, як я чакала, і я проста адключалася паміж схваткамі.
Пасля родаў Марыя яшчэ шэсць дзён правяла ў двухмеснай палаце ў радзільні № 2 горада Гомеля. Паводле яе слоў, менавіта нараджэнне трэцяга дзіцяці стала самым прыемным і бязбольным. Дзяўчына адзначае, што яе добра кармілі, а медперсанал быў ветлівы і карэктны.
Цікава, што толькі трэція па ліку роды прынеслі Марыі і яшчэ адно дзіўнае адкрыццё.
— Дарэчы, для мяне было шокам, што цяпер не апрацоўваюць пупочкі і яны гояцца самі па сабе. Наш пупочак адваліўся на чацвёртыя суткі.
На пытанні хейтараў пра юны ўзрост і вялікую колькасць дзяцей маладая мама адказала, што будзе паступаць так, як лічыць патрэбным.
Стала вядома імя чалавека, якога сілавікі назвалі першым затрыманым па справе «Гаюна»40
Каментары