У Сенаце Польшчы абмеркавалі новыя магчымасці для беларускіх студэнтаў
Віцэ-маршалак польскага Сената Міхал Каміньскі арганізаваў працоўную сустрэчу з удзелам віцэ-міністаркі замежных справаў Ганны Радван, дырэктара стыпендыяльнай праграмы імя Кастуся Каліноўскага прафесарам Янам Маліцкім і дэлегацыі беларускіх студэнтаў, што навучаюцца ў Польшчы, паведаміў «Парламенцкі Канал».
Падчас гэтай сустрэчы абмяркоўваліся пытанні вызвалення стыпендыятаў праграмы Кастуся Каліноўскага ад аплаты за вучобу ў польскіх універсітэтах, магчымасць для беларускіх студэнтаў выдаваць візавыя запрашэнні для сваіх сем’яў, праблемы з выдаваннем апастыляў для неабходных дакументаў у Беларусі.
Па выніках сустрэчы было дамоўлена арганізаваць сустрэчу на высокім узроўні з прэзідыумам Канферэнцыі рэктараў польскіх універсітэтаў, звяртацца да кансулатаў Польшчы ў Беларусі па візавую падтрымку. Таксама было заяўлена, што МЗС Польшчы працуе ў кірунку спрашчэння працэдур для беларусаў.
Каментары