У Віцебску затрымалі мінскага блогера-прыкаліста Bulbanews, у якога 600 тысяч падпісчыкаў у інстаграме
У раскладзе суда Чыгуначнага раёна адзначылася імя Віталя Аляксандравіча Храмцова.
Пад такімі звесткамі вядомы блогер Bulbanews, піша тэлеграм-канал «Віцебск, я гуляю».
Bulbanews мае ў інстаграме 600 тысяч падпісчыкаў. Гэта не палітычны кантэнт, а прыколы, праўда, з беларускім каларытам.
Адзін з апошніх ролікаў — пра тое, як Віталь падключыўся да вялізнага экрана Galleria Minsk і пагуляў на ім на прыстаўцы. Гэта сабрала 580 тысяч лайкаў.
У сацсетках блогер быў апошні раз у сераду ўвечары. Таму вельмі верагодна, што ўсё ж менавіта ён трапіў пад дзве адміністратыўкі па прыездзе ў Віцебск — мужчыну паставілі ў віну распаўсюд «экстрэмізму» і дробнае хуліганства.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне1
Каментары