Navalny identyfikavaŭ hrupu rabotnikaŭ FSB, jakija atrucili jaho «Navičkom» — rasśledavańnie
Rasijski palityk Alaksiej Navalny apublikavaŭ rasśledavańnie nakont svajho atručvańnia i nazvaŭ imiony ludziej, jakich abvinavačvaje ŭ sprobie zabojstva.
Nahadajem, Navalnamu — hałoŭnamu apanientu Uładzimira Pucina — stała drenna ŭ samalocie ŭ žniŭni 2020 hoda. Praź niekatory čas zachodnija daktary znajšli ŭ jaho arhaniźmie ślady «Navička».
Całkam rasśledavańnie možna pračytać tut, a my pierakažam tolki bazavyja tezisy.
1) U svajoj pajezdcy Navalny lacieŭ nietypovym maršrutam. U adzin bok — Maskva — Navasibirsk, u advarotny Tomsk — Maskva. Adnak vyjaviłasia, što try nieviadomyja jamu čałavieki lacieli hetymi ž rejsami. Adzin ź ich — rabotnik FSB Uładzimir Paniajeŭ.
2) Dva inšyja padazronyja spadarožniki — miedyki ź sistemy FSB. Pryčym jany pierasoŭvalisia pa padroblenych dakumientach.
3) Akazałasia, što hetyja troje čałaviek padarožničali ŭśled za Navalnym u 30 pajezdkach.
4) Rabiłasia dźvie sproby atrucić Navalnaha, ale doza była zamałaja.
5) Rasśledavalniki znajšli bilinh mabilnych telefonaŭ hrupy FSB i adsačyli ich aktyŭnyja pieramovy ŭ dni sprob atrucić Navalnaha.
6) Aktyŭnaść hrupy FSB pačałasia paśla taho, jak Navalny zajaviŭ, što budzie bałatavacca ŭ prezidenty Rasii.
«U hateli staić achova tolki z-za taho, što ty biełaj rasy». Jak biełarus pracavaŭ u Vjetnamie, Zimbabve i Filipinach7
Kamientary