Šmat ludziej kładuć hetyja pradukty ŭ chaładzilnik. I darma!
Ci ŭsia ježa, jakuju vy zachoŭvajecie ŭ chaładzilniku, nasamreč maje tam być? Akazvajecca, jość šmat sadaviny, harodniny i zielaniny, jakuju treba trymać u zusim inšych umovach. Pahladzicie, ci nie robicie vy pamyłku.
Pačniom ź siurpryzu: nasamreč bolšaść sadaviny i harodniny nie lubić nizkich tempieratur. Tamu varta staranna pravieryć svoj chaładzilnik na najaŭnaść praduktaŭ, jakija nie pavinny tam być, piša onet.pl.
Pra jakuju harodninu idzie razmova? Pierš za ŭsio pra bulbu, smak jakoj značna paharšajecca pad upłyvam nizkaj tempieratury. Taksama z vašaha chaładzilnika pavinny źniknuć harbuz, cybula, morkva, pierac, pamidory, ahurki i lubyja babovyja.
Što datyčycca sadaviny, tut taksama jość čamu ździvicca. Nie varta trymać u choładzie banany, avakada, ananasy, manha, hrušy, niektaryny, jabłyki, ślivy, cytrusavyja, maliny, kłubnicy, čarnicy i navat kavuny. Chacia kavuny i majuć cudoŭny smak u chałodnym vyhladzie, jany absalutna nie lubiać nizkich tempieratur. Taksama nie zachoŭvajcie ŭ chaładzilniku suchafrukty nakštałt razynak ci kurahi.
Kali vy trymajecie ŭ choładzie miod, nieadkładna prybiarycie jaho adtul. Nizkija tempieratury prymušajuć miod kryštalizoŭvacca, tamu jaho miesca ŭ šafie. Tam ža trymajcie alei i vocat, bo ŭ chaładzilniku jany mohuć stać mutnymi (vyklučeńnie — ilniany alej).
Pryniata ličyć, što, kali trymać kavu ŭ choładzie, jana zachavaje svoj pach, ale nasamreč heta nie tak. Atrymlivajecca, što i ŭ kavy, i ŭ harbaty ad zachoŭvańnia ŭ chaładzilniku smak tolki paharšajecca. Taksama prybiarycie z choładu krupy, u tym liku rys, i trymajcie ich u hiermietyčnaj upakoŭcy ŭ suchim miescy, naprykład, u šafie na kuchni. Kab adpužvać charčovuju mol, možna pakłaści ŭ krupy łaŭrovy list.
Nie trymajcie ŭ chaładzilniku chleb, kali chočacie, kab jon zastavaŭsia śviežy. Najlepšaje miesca dla chleba — draŭlanaja skrynia z chatniaj tempieraturaj unutry. Kali vy vyrašyli zamarozić bułački ci chleb, pamiatajcie, što paśla razmarozki hetyja pradukty treba vielmi chutka źjeści, inakš jany mohuć pakrycca ćvillu.
Narešcie, chaładzilnik — nie miesca dla śpiecyj i ziołak (majem na ŭvazie jak śviežyja, tak i sušanyja). Heta datyčycca i časnaku, jaki lepš za ŭsio padviesić nad plitoj.
Što treba viedać, kali vy pačynajecie prymać vitaminy
Jak sabrać karysnuju ssabojku? Parady dyjetołaha
Recept na vychadnyja. Harbuzovy sup — karysna, husta, ciopła
29-hadovaha mytnika abvinačvajuć u zdradzie dziaržavie1
Kamientary
Biez chołodilnika vsia zielonka čieriez dva dnia pojdiot v musorku. I ja jeŝie promołču pro rojaŝichsia drozofił …
Učora ja kupiŭ hranaty... Nie, lepiej hetak: učora, pad koŭdraj chomarnaje nočy, ja nabyŭ hranaty. I doma dziela biaśpieki amal trymciaščymi j nibyta nie svaimi palcami schavaŭ ich u čeravie ladoŭni. A akazvajecca, nielha? I ŭsiotki, zhadziciesia: trymać hranaty va ŭłučanaj ladoŭni bolš nadziejna, čym u duchoŭcy ci ŭ mikrachvaloŭcy.