Ułady Šviecyi: Razryŭ kabiela pamiž Šviecyjaj i Łatvijaj nie byŭ dyviersijaj
Prakuratura Šviecyi ŭ vyniku rasśledavańnia pryjšła da vysnovy, što paškodžańnie prakładzienaha pa dnie Bałtyjskaha mora kabiela suviazi pamiž Šviecyjaj i Łatvijaj 26 studzienia nie było vynikam dyviersii, piša Radyjo Svaboda.
Jak havorycca ŭ paviedamleńni viedamstva, było ŭstanoŭlena, što da razryvu kabiela pryviali drennyja ŭmovy nadvorja i niedachopy ŭ kiravańni i techničnym stanie sudna, kamanda jakoha padazravałasia ŭ mahčymaj dyviersii.
Suchahruz «Viežen», zarehistravany na Malcie i jaki naležyć bałharskaj sudnachodnaj kampanii Navigation Maritime Bulgare, raniej zatrymany šviedskaj bierahavoj achovaj, moža praciahnuć ruch pa svaim maršrucie.
Takim čynam, šviedskija ŭłady paćvierdzili viersiju bałharskaj kampanii, jakaja raniej kateharyčna adprečyła mahčymy sabataž z boku kamandy zatrymanaha sudna «Viežan». Sudnaŭładalnik dapuściŭ mahčymaść taho, što sudna datyčnaje da paškodžańnia kabiela, adnak zajaviŭ, što heta mahło stać vynikam niaščasnaha vypadku: u vielmi drennych umovach nadvorja jakar moh vypaści za bort i paškodzić prakładzieny pa dnie kabiel.
Raniej ułady Narviehii vyzvalili jašče adno sudna, na karotki čas zatrymanaje ŭ suviazi z padazreńniem u dačynieńni da incydentu.
Ab paharšeńni kabiela ŭłady Łatvii i Šviecyi paviedamili 26 studzienia. Aficyjna padazreńni ŭ sabatažy na adras Rasii nie vykazvalisia, adnak šerah kamientataraŭ, uklučajučy vysokapastaŭlenych asob, źviazali hety incydent ź inšymi padobnymi vypadkami.
29-hadovaha mytnika abvinačvajuć u zdradzie dziaržavie2
Kamientary
Upeŭnieny, jość karty dzie paznačany raskładka kabielaŭ pa mory, kapitany heta musiać viedać. I tut niejki karabiel ciahnie jakar pa dnu. Nie pavieru