Dyrektar Pinskaha kaledža apraŭdaŭsia za mizernyja zarobki, jakija prapanujuć vypusknikam
Dyrektar Pinskaha kaledža techniki i technałohij Hienadź Palikoŭski kaža, što prapanavany vypusknikam zarobak u 250 rubloŭ ukazany biez nadbavak i premij. A hałoŭny pryvilej dla maładych śpiecyjalistaŭ — abarona ad zvalnieńnia na praciahu dvuch hadoŭ, piša «Miedyja-Paleśsie».
Dniami ŭ redakcyju «Miedyja-Paleśsia» źviarnułasia pinčanka z prośbaj apublikavać varyjanty prapanavanych vakansij vypusknikam kaledža. U dvuch ź ich pamier apłaty pracy byŭ krychu bolšy za 250 rubloŭ.
Dyrektar kaledža Hienadź Palikoŭski prakamientavaŭ, što arhanizacyi (zakazčyki kadraŭ) u piśmovych zapytach pakazvajuć tolki słužbovy akład — biez uliku nadbavak i premij. Kali idzie naličeńnie poŭnaha zarobku, tady vychodziać, nibyta, zusim inšyja sumy.
Adnak z nahody premij i nadbavak da zarpłaty baćkam i vypusknikam ničoha nie rastłumačyli.
Pa słovach Hienadzia Palikoŭskaha, vypuskniki pracujuć nie tolki na pinskich pradpryjemstvach, ale i ŭ Minsku. Naprykład, na «Miłavicy» byłyja vypuskniki atrymlivajuć zarpłatu kala 1700 rubloŭ na miesiac, žyvuć u internacie, za jaki płaciać 48 rubloŭ na miesiac, i całkam zadavolenyja ŭmovami pracy i sacpakietam.
Adnak u śpisie vakansij «Miłavicy» sioleta niama.
Jak śćviardžaje dyrektar kaledža, za dva-piać hadoŭ možna stać kankurentazdolnym śpiecyjalistam na rynku pracy i atrymać važnyja prafiesijnyja kampietencyi. Ale hałoŭny pryvilej, pavodle jaho słoŭ — abarona ad zvalnieńnia na praciahu dvuch hadoŭ i toje, što maładomu śpiecyjalistu nie mohuć ustalavać vyprabavalny termin i jaho nie mohuć zvolnić na asnovie takoj farmuloŭki, jak «nieadpaviednaść zajmanaj pasadzie abo vykananaj pracy z pryčyny niedastatkovaj kvalifikacyi».
Stała viadoma, jak dobra ŭładkavaŭsia ŭ žyćci muž starejšaj unučki Łukašenki9
Kamientary
opańki. niejkija šeryja schiemy?