«My viedajem, za što kankretna Pucin zabiŭ Alaksieja. My chutka vam raskažam». Julija Navalnaja zapisała zvarot da rasijan
Julija Navalnaha, žonka pamierłaha ŭ kałonii rasijskaha apazicyjaniera Alaksieja Navalnaha zapisała zvarot da rasijan u studyi, adkul raniej jaje muž vychodziŭ u efir. Jana skazała, što zamienić jaho i paprasiła padtrymać jaje, dałučycca da jaje.
«Ja była ščaślivaja być pobač ź im i padtrymlivać jaho. Ale siońnia ja chaču być pobač z vami, tamu što ja viedaju: vy stracili nie mienš, čym ja», — skazała jana.
Julija Navalnaja abvinavaciła Pucina ŭ zabojstvie svajho muža i prapanavała rasiejcam «sabracca ŭ adzin mocny kułak i ŭdaryć pa zvarjaciełym režymie».
«My viedajem, za što kankretna Pucin zabiŭ Alaksieja try dni tamu. My chutka vam pra heta raskažam», — zajaviła jana.
Taksama jana dadała, što kamanda Navalnaha abaviazkova daviedajecca, chto mienavita i jak mienavita vykanaŭ hetaje złačynstva. «My nazaviem proźviščy i pakažam tvary», — paabiacała Navalnaja.
Pra raptoŭnuju śmierć hałoŭnaha rasijskaha apazicyjaniera 16 lutaha paviedamiła Upraŭleńnie pa vykanańni pakarańniaŭ Jamała-Nienieckaj aŭtanomnaj akruhi. Navalnamu było 47 hadoŭ.
Ciapier jaho rodnym nie addajuć cieła.
Aleksijevič: Novy Hitler z novymi technałohijami strašniejšy za toje, što my viedajem z historyi
Na ciele Navalnaha vyjaŭleny siniaki ad kurčaŭ — «Novaja hazieta Jevropa»
Navalnaha zabili pierad jaho mahčymym abmienam — Bild
«Sindrom raptoŭnaj śmierci». Źjaviłasia novaja viersija, ad čaho pamior Navalny
Raźvitalisia, ale nie pachavali: kremacyju Maryi Zajcavaj spynili ŭ apošni momant3
Kamientary