Litoŭski zavod, što naležyć biełarusu, nielehalna pradavaŭ łaziery Rasii
Supracoŭnik adnaho z najbujniejšych vytvorcaŭ łazieraŭ u Litvie — kampanii Optogama — tajemna pradavaŭ łaziery rasijskaj abaronnaj pramysłovaści, paviedamiła 3 studzienia LRT.
«Nam viadoma, što adzin z rabotnikaŭ pradpryjemstva, jak miarkujecca, učyniŭ supraćpraŭnyja dziejańni, u vyniku jakich niekatoryja kampanienty, jakija vyrablajucca pradpryjemstvam, mahli być pieradadzieny padsankcyjnym subjektam», — skazaŭ dyrektar pradpryjemstva Tadas Lipinskas.
Jon dadaŭ, što dla pradpryjemstva hetaja infarmacyja stałasia niečakanaściu. Zhadany rabotnik pradpryjemstva byŭ adchileny ad vykanańnia svaich abaviazkaŭ. Na pradpryjemstvie pačata ŭnutranaje rasśledavańnie.
Pa danych Departamienta dziaržbiaśpieki, hramadzianin RF arhanizavaŭ pastaŭki litoŭskaj techniki «subjektam RF, jakija majuć dačynieńnie da rasijskaha abaronna-pramysłovaha kompleksu».
U ramkach rasśledavańnia abvinavačańni vystaŭleny 10 asobam.
Paviedamlajecca, što papiarednija śledčyja mierapryjemstvy pravodzilisia ŭ Litvie, Łatvii i Estonii.
Pavodle źviestak Rejestravaha centra, adnym z zasnavalnikaŭ Optogama źjaŭlajecca hramadzianin Biełarusi Mikałaj Kulašoŭ, jaki raniej źjaŭlaŭsia akcyjanieram kampanii. Raniej łaziery Optogama šyroka pradavalisia ŭ Rasii, dzie ŭ Sankt-Pieciarburhu pracavała kampanija LLS, jakaja ŭ ciapierašni čas śćviardžaje, što źjaŭlajecca pradstaŭnikom Optogama u Rasii, piša LRT.
29-hadovaha mytnika abvinačvajuć u zdradzie dziaržavie1
Kamientary