Razvod baćkoŭ akazvaje praciahły niehatyŭny efiekt na ŭzrovień žyćcia dziaciej — navukoŭcy
Navukoŭcy ŭpieršyniu źviarnuli ŭvahu na ekanamičnyja nastupstvy razvodu baćkoŭ dla dziaciej. I prapanujuć, jak možna ich minimizavać.
U apošnija hady mnostva daśledčykaŭ zajmałasia vyvučeńniem nastupstvaŭ razvodaŭ dla ŭzroŭniu žyćcia byłych muža i žonki, u pryvatnaści, pavyšanaj ryzyki biednaści, ź jakoj sutykajucca maci-adzinočki. Adnak mała chto źviartaŭ uvahu na źmieny ŭ žyćci dziciaci. Novaje daśledavańnie Nacyjanalnaha instytuta demahrafičnych daśledavańniaŭ i arhanizacyi France Stratégie dazvalaje pahladzieć na źmienu ŭzroŭniu žyćcia dziaciej, baćki jakich razyšlisia, u karotkaj i doŭhaterminovaj pierśpiektyvach.
Z asnoŭnymi vynikami jaho znajomić Le Monde.
Vučonyja stvaryli bazu danych, u jakoj adsočvali źmieny va ŭzroŭni žyćcia 730 tysiač dziaciej z 2011 pa 2019 hod na asnovie padatkovych danych darosłaha, u jakoha jany žyvuć. Siarod ich było 36 tysiač dziaciej, baćki jakich razyšlisia.
Asnoŭnaja tendencyja, jakaja była vyjaŭlena — źnižeńnie ŭzroŭniu žyćcia dziciaci paśla razvodu baćkoŭ maje doŭhaterminovy charaktar. Kali ŭ pieršy hod paśla razvodu jaho adčuvaje 19% dziaciej, to praź piać hadoŭ heta ličba składaje 12%.
Pry hetym bolšaja ryzyka trapić u biednaść u tych dziaciej, jakija zastalisia žyć z maci. Tak, u hod, jaki idzie za razvodam, padzieńnie ŭzroŭniu žyćcia nazirałasia ŭ kožnaha čaćviortaha dziciaci (25%), što zastałosia z maci, i tolki ŭ kožnaha dziasiataha (11%), jakoje žyło z baćkam.
Vučonyja taksama adznačajuć, što ŭ paraŭnańni z poŭnymi siemjami, dzieci, jakija žyvuć z adnym z baćkoŭ, u pieršy hod paśla razvodu mieli ŭ siarednim na 27% nižejšy ŭzrovień žyćcia. I hetaja tendencyja była doŭhaterminovaj. Praź piać hadoŭ hety pakazčyk byŭ na 22% nižejšy ŭ paraŭnańni z poŭnymi siemjami.
Jašče adnoj admietnaściu, na jakuju źviartajuć vučonyja, zjaŭlajecca toje, što nazirajucca značnyja adroźnieńni ŭ zaležnaści ad sacyjalnych katehoryj siemjaŭ.
Uzrovień žyćcia najbolš mocna źnižajecca ŭ dziaciej z bolš zamožnych siemjaŭ u paraŭnańni ź dziećmi ź biednych siemjaŭ. U pieršym vypadku padzieńnie składaje 20%, a ŭ druhim tolki 6%.
Adnak hetaje padzieńnie ŭ vypadku zamožnych siemjaŭ nivielujecca, kali dzieci pa čarzie žyvuć z adnym z baćkoŭ. Dla ich padzieńnie skłała 12% praz hod paśla razvodu i 6% praz šeść hadoŭ.
Vučonyja taksama źviartajuć uvahu na toj fakt, što najbolš uraźlivymi zjaŭlajucca dzieci ź siemjaŭ ź siarednim dastatkam i sa šmatdzietnych siemjaŭ.
Kali da razvodu ŭ katehoryi biednych znachodzicca 16% dziaciej ź siemjaŭ z tryma dziećmi, to ŭ pieršy hod paśla razvodu baćkoŭ hety pakazčyk uzrastaje da 36%. Pry hetym ryzyka biednaści zvyčajna ŭzrastaje dla dziaciej, što zastajucca z maci.
Daśledavańnie ŭjaŭlaje cikavaść nie tolki svajoj aryhinalnaściu, ale i tym, što jano pakazvaje razryŭ pamiž prahnazavanym źnižeńniem, jakoje pavinna było b adbycca paśla razvodu, i realnym źnižeńniem. Na praktycy źnižeńnie mienš značnaje, čym prahnazavanaje.
Heta daśledčyki tłumačać efiektyŭnaściu sistem sacyjalnaj padtrymki i padatkaŭ. Takija miechanizmy, jak alimienty, padatkovyja lhoty, sacyjalnyja tranśfiery i dapamoha siemjam źmiakčajuć niehatyŭnaje ŭździejańnie razvodu. Asabliva zaŭvažny efiekt u niapoŭnych siemjach, jakija znachodziacca ŭnizie sacyjalnaj leśvicy.
Jak adznačaje vydańnie, daśledavańnie źviartaje ŭvahu na doŭhaterminovyja nastupstvy razvodu na dziaciej, a taksama śviedčyć ab stanoŭčym efiekcie raznastajnych mier padtrymki niapoŭnych siamjaŭ.
Čytajcie jašče:
Jak raźvieścisia z partnioram i nie naškodzić dziciaci i ci varta zachoŭvać šlub dziela małoha?
«Uhavorvaŭ viarnucca ŭ Biełaruś». Jak były muž, departavany z Polščy, sprabavaŭ adabrać dziaciej u palityčnaj emihrantki
89-hadovy mužčyna ŭžo 27 hadoŭ sprabuje raźvieścisia sa svajoj žonkaj
Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie8
Kamientary