«На першым допыце я расказаў усё, што ведаў». Стрыжак пра тое, як у 16 гадоў падставіў актывістку
«Гэта для мяне такі халодны душ, які паказвае, што бывае з людзьмі».
Пра непрыемны факт у сваім жыцці кіраўнік Фонду салідарнасці BySol Андрэй Стрыжак расказаў у новым выпуску ТОКу.
Па яго словах у лістападзе 2000 года (на той момант яму было 15 гадоў), ён патрапіў у філіял Офісу грамадзянскіх ініцыятыў у Рэчыцы. З таго моманту Стрыжак пачаў актыўна прымаць удзел у дзейнасці гэтай грамадскай арганізацыі.
У наступным, 2001 годзе, на дзень народзінаў Лукашэнкі актывісты сабралі яму «падарунак» і аднеслі ў Гомельскі гарвыканкам. Гэты ўчынак паслужыў падставай для завядзення крымінальнай справы на адну з актывістак арганізацыі, Наталлю Брэль, за абразу прэзідэнта.
«Мне тады было ўжо 16 гадоў, і мяне пацягнулі на допыт. Гэта быў самы першы допыт у маім жыцці, і я на ім нагаварыў. (…) Мяне выпытвалі, хто быў, як прыйшлі. Я расказаў усё, што ведаў,» — згадвае Стрыжак і тлумачыць, што гэта адбылося таму, што ў яго «не было ніякага досведу і разумення, што з гэтым трэба рабіць».
«Зразумела, што быў нейкі мінімальны інструктаж перад гэтым. Але калі з табой няма побач чалавека, які б цябе абараняў, адваката, то гэта вельмі складана», — адзначае мужчына.
Стрыжак прыгадвае, што Наталлю Брэль нейкі час пратрымалі ў ІЧУ ў Рэчыцы, потым яна з'ехала ў Бельгію. З той пары ён з Наталляй не кантактаваў.
«Калі ты нешта зрабіў, за што табе сорамна, то ты стараешся гэтую сітуацыю ўнутры сябе рэфлексаваць такім чынам, што не заўсёды гатовы з чалавекам размаўляць», — прызнаецца Стрыжак і кажа, што, магчыма, Наталля пабачыць інтэрв'ю і гэта паслужыць нагодай для размовы.
«Гэта для мяне такі добры халодны душ, які паказвае, што бывае з людзьмі. Таму я з разуменнем стаўлюся да сітуацыі, калі хтосьці даў нейкія паказанні на кагосьці», — дадае Стрыжак.
«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка13
Каментары
но и на всех остальных!