Яна выказала здагадку, што план Трампа завяршыць канфлікт ва Украіне за дзень палягае ў тым, што ён «папросту здасць пазіцыі».
Калі б рэспубліканец Дональд Трамп заставаўся ў Белым доме, Уладзімір Пуцін «сядзеў бы цяпер у Кіеве і не зводзіў вачэй з астатняй Еўропы, пачынаючы з Польшчы, заявіла Камала Харыс падчас дэбатаў.
«Чаму б вам не расказаць 800 тыс. амерыканцам польскага паходжання прама тут, у Пенсільваніі, як хутка вы б здаліся дзеля добразычлівасці і таго, што вы лічыце сяброўствам з вядомым дыктатарам, які з'еў бы вас на абед», — сказала Харыс.
Яна выказала здагадку, што план Трампа завяршыць канфлікт за дзень палягае ў тым, што ён «папросту здасць пазіцыі». Паводле яе слоў, еўрапейскія саюзнікі ЗША былі радыя перамозе Байдэна ў 2020 годзе на выбарах прэзідэнта, а таксама ўхваляюць ваенную дапамогу Украіне.
Трамп, кажучы пра канфлікт, распавёў пра павагу з боку Пуціна і ўкраінскага прэзідэнта Уладзіміра Зяленскага, а таксама добрыя стасункі з абодвума прэзідэнтамі. Ён растлумачыў, што яшчэ да інаўгурацыі пагаворыць з кожным з іх паасобку, а затым «звядзе іх разам».
«Байдэн паняцця не меў, як з ім размаўляць, ён паняцця не меў, як гэта спыніць…>. І сітуацыя становіцца толькі горшай» і гэта можа прывесці да Трэцяй сусветнай вайны», — дадаў Трамп.
Каментары