Міністарка працы Літвы: Без належнага кантролю міграцыя можа пагражаць бяспецы краіны
Міністр сацыяльнай абароны і працы Літвы Інга Ругінене падкрэслівае неабходнасць кантролю за колькасцю замежных работнікаў, якія прыбываюць у краіну, каб гарантаваць яе бяспеку, піша Delfi.lt.
«Існуюць пагрозы, яны звязаныя з геапалітычнай сітуацыяй. Нашы рашэнні, магчыма, трохі больш строгія, вызначаюцца многімі аспектамі. Адным з аспектаў з'яўляецца бяспека, якая нас для нас вельмі важная», — сказала міністарка.
«Гаворка не ідзе пра закрытыя межы, бо перамяшчэнне людзей павінна быць, але павінна быць палітыка кантраляванай міграцыі», — падкрэсліла І.Ругінене.
Міністарка перакананая, што, калі б дзяржава выдзеліла яшчэ больш магчымасцяў для праверкі замежнікаў, што прыбываюць, было б выяўлена яшчэ больш асоб, якія ўяўляюць пагрозу бяспецы.
«Нашы спецслужбы даўно, шмат гадоў сігналізуюць аб тым, што неабмежаваны ўвоз працоўнай сілы павінен быць абмежаваны выключна таму, што ў службаў абмежаваныя магчымасці па праверцы людзей. Мы гэта бачым: калі б у спецслужбаў былі вялікія магчымасці, то, магчыма, гэтыя лічбы былі б яшчэ больш сумныя», — прызнала яна.
Паводле даных Дэпартамента міграцыі, на 1 студзеня гэтага года ў Літве пражывала амаль 218 тысяч замежнікаў, што складае больш за 7,5% ад агульнай колькасці насельніцтва краіны. Найбольшую частку складаюць украінцы — 77 080 чалавек, беларусы — 57 511 чалавек і расіяне — 14 978 чалавек.
Стала вядома імя чалавека, якога сілавікі назвалі першым затрыманым па справе «Гаюна»26
Каментары