Recept na vychadnyja. Kuryca pa-kadžunsku — kałarytnaja strava z aryhinalnym smakam

Dla kurycy pa-kadžunsku vam spatrebicca:

• 3 čajnyja łyžki mołataha kmienu
• 4 čajnyja łyžki papryki dla prypravy da miasa + 1—2 stałovyja łyžki papryki prypravić bulbu
• 2 čajnyja łyžki sušanaha čabaru
• 2 čajnyja łyžki sušanaha arehana
• 1 čajnaja łyžka šmatkoŭ čyrvonaha pierca čyli (možna zamianić na zvyčajny mołaty čyrvony pierac)
• pałova čajnaj łyžki mołataha časnaku
• pałova čajnaj łyžki soli
• 2 stałovyja łyžki aliŭkavaha aleju
• drobna naciortaja cedra i sok adnaho limona
• 4 kurynyja hrudki biez skury
• 4 štuki batatu (treba ich ačyścić i narezać na toŭstyja łustački)
• sol i mołaty čorny pierac

Kali chočacie, batat (sałodkuju bulbu, jakaja raście ŭ paŭdniovych krajach) možna zamianić na zvyčajnuju bulbu. Možna jeści kurycu pa-kadžunsku i z rysam ci inšymi harnirami.

1. Pierš za ŭsio zrobim prypravu. Źmiašajcie razam kmien, 4 čajnyja łyžki papryki, čabor, arehana, pierac čyli, časnok, sol, cedru i sok limona, dadajcie jašče drobku soli i pabolš mołataha čornaha piercu. Vylicie sumieś u hiermietyčnuju skryniu dla zachoŭvańnia, dastatkova vialikuju, kab paźniej u jaje źmiaściłasia kuryca.
2. Vykładzicie kurynyja hrudki na došku i pakryjcie ich papieraj dla vypiakańnia. Prajdziciesia kačałkaj pa hrudkach, pakul ich taŭščynia nie stanie krychu mienšaja za 2 santymietry. Pakładzicie hrudki ŭ sumieś śpiecyj i staranna pakryjcie ich śpiecyjami. Pastaŭcie kurycu ŭ chaładzilnik na 3—4 hadziny abo, kali treba, nanač.
3. Razahrejcie duchoŭku da 200 hradusaŭ. Dastańcie kurycu z marynadu i strasicie ź jaje liški.
4. Pakładzicie łustački batatu ŭ misku z dvuma stałovymi łyžkami aleju i 1—2 stałovymi łyžkami papryki, dobra ŭsio pieramiašajcie. Dobra prypraŭcie sollu i mołatym čornym piercam. Vykładzicie bulbu na blachu z antypryharnym pakryćciom i vypiakajcie jaje 20—25 chvilin abo pakul bulba nie stanie załacista-karyčnievaj i miakkaj, pieraviarnicie bulbu na siaredzinie času vypiakańnia.
5. Tym časam dobra razahrejcie antypryharnuju patelniu. Raskładzicie kurynyja hrudki na patelni i smažcie ich na praciahu 15 chvilin da hatoŭnaści, pieraviarnicie padčas hatavańnia 1—2 razy (ci hatujcie da taho času, pakul, kali vy ŭtykajecie špažku ŭ samuju toŭstuju častku hrudki, ź jaje nie pačnie vyciakać prazrysty sok). Padavajcie kurycu z batatam abo lubym inšym harniram.

Čytajcie taksama:

Prosty sposab pravieryć, ci śviežaje miasa ŭ mahazinie

Recept na vychadnyja. Kuryca z syram, viandlinaj i kabačkami — chutkaja i pryhožaja

Dumajecie, što ŭmiejecie čyścić jajki pravilna? Voś niekalki łajfchakaŭ, jak spraścić hety praces

• 11
• 0
• 1
• 1
• 1
• 0
• 3
• 0