Polšča pierastała vypuskać u Biełaruś luksavyja aŭto pa prośbie Łatuški?
Pačynajučy z 23 sakavika Polšča pierastała prapuskać u Biełaruś aŭtamabili peŭnych katehoryj i inšyja padsankcyjnyja tavary. Pahavorvali, što hetaje pytańnie łabijavaŭ Pavieł Łatuška. «Naša Niva» spytała ŭ palityka, jaki jaho ŭniosak u hetuju spravu.
Pavieł Łatuška kaža, što jon nieadnarazova ahučvaŭ svaje prapanovy pa kantroli za vykanańniem sankcyj i ich uzmacnieńni pad čas roznych sustreč z pradstaŭnikami ŭrada Polščy, Litvy i Łatvii, a taksama z Upaŭnavažanym ES pa pytańniach sankcyj Devidam O'Salivanam.
Paśla taho, jak letam 2023 hoda krainy Bałtyi pastrožyli kantrol za vykanańniem sankcyj, NAU nakiravała prapanovu Polščy pryniać anałahičnyja miery.
«Jašče 4 lipienia 2023 hoda my nakiravali asobnyja listy ŭ MZS i MUS Polščy. Hetyja prapanovy ŭ dalejšym byli pieranakiravanyja ŭ Ministerstva finansaŭ Polščy dla nastupnaha vyvučeńnia, pra što my byli prainfarmavanyja», — kaža Łatuška.
26 studzienia 2024 hoda kiraŭniki mytniaŭ Litvy, Łatvii i Estonii zaćvierdzili pahadnieńnie Bałtyjskaha rehijonu ab prymianieńni adzinych mier kantrolu, źviazanych z vykanańniem sankcyj, jakija praduhledžvali patrabavańnie da pieravozčykaŭ pakazvać dekłaracyju vytvorcy.
«Na sustrečy 15 lutaha 2024 hoda my abmiarkoŭvali hetuju temu z namieśnicaj ministra zamiežnych spraŭ Polščy Chienrykaj Maścickaj-Dendzis», — adznačyŭ Łatuška.
Papiaredniuju infarmacyju ab pryniaćci pastanovy, na jakuju spasyłajucca polskija mytniki, kali admaŭlajuć pierahaniać aŭto praź miažu, NAU atrymała 22 sakavika 2024 hoda padčas sustrečy ŭ MZS Polščy. To-bok za dzień da taho, jak pačała źjaŭlacca infarmacyja pra novyja patrabavańni z boku polskaj mytni.
«Takim čynam, my bačym, što ciapier kantrol uzmacniajecca, a taksama budzie prymianiacca adkaznaść da parušalnikaŭ sankcyjnych mier až da kryminalnaj», — kaža Łatuška.
«Naša Niva» — bastyjon biełaruščyny
PADTRYMAĆČytajcie taksama:
Litoŭskaja mytnia zatrymała aŭtamabil, jaki pierahaniaŭ biełarus
Čamu patok luksavych aŭto išoŭ praz Polšču i jak ich buduć uvozić ciapier
Nie tolki luksavyja aŭtamabili. Jakija jašče tavary mohuć zabaranić vyvozić z Polščy ŭ Biełaruś
29-hadovaha mytnika abvinačvajuć u zdradzie dziaržavie2
Kamientary