Грамадства33

Супрацоўніца Цэнтральнага РУУС Мінска напісала данос на начальніка. А яго ўзялі і павысілі

Наталля Сцёпіна пісала, што яе начальнік «крышуе» мясцовыя кавярні, збіраючы з іх грошы за права працаваць уначы.

Артур Шахлай. Фота: mogilev.mvd.gov.by

Падначаленая былога начальніка Цэнтральнага РУУС Мінска Артура Шахлая данесла пра яго паборы з дробнага бізнэсу. Пра скаргу стала вядома з узламанай «Кіберпартызанамі» базы даносаў у КДБ, піша Reform.news.

Супрацоўніца мінскай міліцыі Наталля Сцёпіна 2 жніўня 2021 года паведаміла ў сваёй скарзе ў КДБ, што яе начальнік «крышуе» мясцовыя кавярні, збіраючы з іх грошы за права працаваць уначы. 

«Залатым дном для кіраўніка РУУС стала ўзгадненне часу працы гандлёвых пунктаў па вул. Зыбіцкая, якія кантралююцца толькі самім Шахлаем А. У., так у залежнасці ад перадаюцца яму наўпрост і праз давераных асоб, якія адказваюць за выдачу такіх дазволаў, сум ад 1000 умоўных адзінак. Выдаюцца дазволы для працы ў начны час і гандлі спіртным, каму да 2-х гадзін ночы, каму да 3-х, а каму да 6:00. Хоць пры гэтым за дадатковыя паборы з кавярняў практычна ўсе працуюць да 6 раніцы, асабліва з пятніцы па нядзелю», — напісана ў звароце Сцёпінай.

Акрамя таго, супрацоўніца міліцыі распавяла ў сваім даносе, што Шахлай атрымлівае з уладальнікаў кафэ грошы і падарункі за закрыццё крымінальных спраў, звязаных са стратай тэлефонаў у наведвальнікаў.

Асобна адзначае Сцёпіна, што ў згаданых ёй кафэ «любіць адпачываць залатая моладзь, потым бегае з БЧБ-сцягамі».

Здаецца, гэты данос застаўся без наступстваў для Шахлая. Больш за тое, яго службовая кар'ера пайшла ўверх. У 2021 годзе Шахлай «падняўся» да намесніка начальніка (начальнік міліцыі грамадскай бяспекі) УУС Магілёўскага аблвыканкама.

Шахлай узначальваў Цэнтральнае РУУС у 2020 годзе. Гэта РУУС адзначылася масавымі катаваннямі затрыманых удзельнікаў пратэстаў. Ён таксама з'яўляецца адным з людзей, датычных да смерці актывіста Рамана Бандарэнкі ў лістападзе 2020 года. Менавіта ў Цэнтральнае РУУС быў дастаўлены збіты да смерці Раман.

Раней паведамлялася, што «Кіберпартызаны» атрымалі доступ да каля 40 тысяч даносаў у КДБ за апошнія 9 гадоў.

@nashanivanews «Кіберпартызаны» апублікавалі 40 000 даносаў ад беларусаў. Але ці ўсё гэта менавіта даносы? #беларусь #белорусы #милициябеларуси #кгб #нашаніва #новостибеларуси ♬ Stargazing (Slowed + Reverb) - Marcelo De Carvalho

Каментары3

  • Кастусь
    29.04.2024
    не было счастья, да несчастье помогло)
  • даведка
    29.04.2024
    Самые надёжные и преданные режиму кадры — это те, на кого уже накоплено предостаточно компромата в столе.
  • Сымон
    29.04.2024
    Імаверна Сцепіна пісала данос, разлічваючы атрымаць падвышэнне праз раскрыццё карупцыі ў Цэнтральнам РАУСе. Зрэшта яна не зразумела, што гэта была частка г.з. "крадзяжу па чыне" і "надзела на харчаванне", прадугледжанага ў лукашысцкай сістэме для ключавых вертыкальшчыкаў (у т.л. і сілавікоў).
    Наступствы ўзлому базы даносаў КДБ кіберпартызанамі будуць расці як снежны ком, разбураючы і далей лукашысцкую карную сістэму.

«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка1

«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка

Усе навіны →
Усе навіны

Урад Беларусі склаў паўнамоцтвы9

У Мінску могуць з'явіцца беспілотныя трамваі2

Канапацкая назвала сябе апазіцыяй7

Былы гомельскі журналіст і палітвязень Андрэй Толчын на волі

«Апошні экзамен чалавецтва». Для нейрасетак стварылі максімальна складаны акадэмічны тэст — і вось які вынік8

На 11-гадовага хлопчыка ўпалі футбольныя вароты, ён шпіталізаваны4

У Беларусі стварылі сухое марожанае10

У Жыткавічах у галаве 10-гадовага хлопчыка знайшлі дзве дзіркі8

Даляр сёння даражэе на тры капейкі

больш чытаных навін
больш лайканых навін

«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка1

«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка

Галоўнае
Усе навіны →

Заўвага:

 

 

 

 

Закрыць Паведаміць