6 (6). Уладзімір Макей
Міністр замежных справаў.
Здаецца, «паніжэнне» да міністра замежных справаў мала як адбілася на Уладзіміру Макею. Наадварот, гэты чыноўнік, які добра валодае нямецкай і англійскай мовамі, адчувае сябе больш упэўнена ў калідорах Брусэля і Страсбурга, чым наведваючы завод у Клімавічах ці седзячы на нарадах аб паляўніцтве і рыбалоўстве.
Макей энергічны і цікаўны. Ён умее пажартаваць і пасмяяцца. Гэта высока цэніцца як замежнымі гасцямі, гэтак і кіраўніком краіны. Макей здольны зачараваць многіх.
Чыноўнік ужо быў канструктарам адной з «адліг» афіцыйнага Мінска і Еўропы. Сёння наспявае наступная. І ў галоўных ролях зноў гэты самы разведчык родам з Карэліцкага раёна.
Цытата
«Мы хочам быць роўна набліжанымі і да Усходу, і да Захаду, і да Поўдня, і да Поўначы, і да космасу, і, можа быць, да глыбінь Зямлі».
Люты 2015.
Аб’ектыўка
Нар. у 1958 у вёсцы Некрашэвічы Карэліцкага раёна. Скончыў Мінскі дзяржаўны інстытут замежных моваў (1980), служыў у савецкай разведцы (1980—1992), палкоўнік запасу. Перавучваўся ў Дыпламатычнай акадэміі МЗС Аўстрыі (1992—1993). Знаходзіўся на дыпламатычнай службе (1993—2000), працаваў памочнікам прэзідэнта (2000—2008), кіраўніком Адміністрацыі прэзідэнта (2008–2012). Ад жніўня 2012 — міністр замежных справаў. Мае сыноў ад абодвух шлюбаў. Другая жонка — актрыса і тэлевядучая.
* * *
Беларуска не знайшла сябе ў спісе выпускнікоў школы — лічыць, што праз палітычныя погляды2
Каментары