У кожным раёне Гомеля планава ставяць кантрольна-прапускныя блокпасты
У кожным раёне Гомеля ставяцца кантрольна-прапускныя пункты ў рамках планавых вучэбных збораў тэрабароны, паведаміў 19 мая ў тэлеграм-канале старшыня Гомельскага гарвыканкама Уладзімір Прывалаў.
«У Гомелі з 11 мая праходзяць планавыя вучэбныя зборы тэрытарыяльнай абароны. На завяршальным этапе збораў ваеннаабавязаныя бяруць удзел у камандна-штабных вучэннях, падчас якіх падраздзяленням тэрытарыяльных войскаў трэба будзе ахоўваць аб'екты жыццезабеспячэння. У сувязі з гэтым у кожным з раёнаў абласнога цэнтра на адпаведных задумам вучэнняў вуліцах арганізуюцца кантрольна-прапускныя пункты», — напісаў Прывалаў.
Чыноўнік падкрэсліў, што зборы скончацца 2 чэрвеня.
Пра ўсталяванне блокпастоў у Гомелі раней таксама паведамляла мясцовае выданне «Флагшток».
«На месцы каля дзесяці салдат УС Рэспублікі Беларусь. Яны носяць з грузавіка мяшкі з пяском і абсталёўваюць блокпост. Блокпасты з учарашняга дня таксама ўсталяваныя на тэрыторыі Гомельскага хімзавода. Зараз мантуецца пост на выездзе з Гомеля па трасе Р-30 (у бок вёскі Пакалюбічы)», — адзначаў «Флагшток».
Беларускае тэлебачанне 90-х: узгадваем яркія праекты і папулярных вядучых4
Каментары
Приму зачет,когда вручную блиндаж в три наката сделают .
На сегодняшний день,надо сверху еще навес из рабицы от камикадзе.
Эта шняга на фото разлетится от первого прилета рпг .