Гуцэрыеў прылятаў у Мінск на таемную сустрэчу з Лукашэнкам, а Дзмітрый Лукашэнка адпачывае ў Зімбабвэ — «МотолькоПомоги»
Тэлеграм-канал @motolkohelp сцвярджае, што расійскі алігарх Міхаіл Гуцэрыеў 20 мая сустракаўся з Аляксандрам Лукашэнкам у сваёй рэзідэнцыі ў Шаршунах пад Мінскам.
Паводле канала, 20 мая ў раёне 13:30 у Мінск прыляцеў Міхаіл Гуцэрыеў. Пазней, у раёне 16:30 картэж Лукашэнкі быў заўважаны ў кірунку рэзідэнцыі Гуцэрыева ў Шаршунах.
Там, мяркуе выданне, Лукашэнка праводзіў непублічную сустрэчу з Гуцэрыевым, якая доўжылася блізу 5 гадзін, бо пасля 22-х гадзін картэж Лукашэнкі ўжо быў заўважаны ў кірунку на Астрашыцкі Гарадок.
Пакуль Лукашэнка сустракаецца з расійскім алігархам, яго сярэдні сын Дзмітрый адпачывае ў Зімбабвэ, а дакладней, дзесьці каля любімага месца гэтай сямʼі — ля вадаспаду Вікторыя. Туды Дзмітрый Лукашэнка прыляцеў увечары 18 мая, разам са «зброевым баронам», грамадзянінам ЗША Аляксандрам Зінгманам, сцвярджае канал.
ААН і Бразілія праз Партугалію лабіруюць вывад Гуцэрыева і Галаватага з-пад санкцый
Чаму мог падвіснуць пакет санкцый супраць Беларусі?
У Дзмітрыя Лукашэнкі выявілася незвычайная пасада
Доля Зімбабвэ ў эканоміцы Беларусі мізэрная. Чаму тады прапаганда надае столькі ўвагі візіту Лукашэнкі ў гэтую краіну?
Белыя ды чырвоныя кветкі і мора слёз. Як у Вільні сустракалі Паліну Шарэнду-Панасюк8
Каментары