У Курскай вобласці загінуў першы афрыканскі наёмнік, які ваяваў на баку Расіі
Ён нарадзіўся ў ЦАР, а загінуў пад Суджай.
15 лістапада ў баях за вёску Наваіванаўку ў Суджанскім раёне Курскай вобласці загінуў грамадзянін Цэнтральнаафрыканскай Рэспублікі (ЦАР) Дэрык Нгамана, як вынікае з дакументаў, з якімі азнаёміліся Радыё Свабода і «Сістэма».
Згодна з паведамленнем аб смерці, 32-гадовы наёмнік ваяваў у складзе штурмавой роты 155-й асобнай гвардзейскай брыгады марской пяхоты Ціхаакіянскага флоту. Гэтая брыгада панесла значныя страты ў баях за Курскую вобласць.
Гібель Дэрыка Нгаманы таксама пацвердзіла крыніца, блізкая да камандавання марпехаў.
Па іх інфармацыі, у Курскай вобласці можа ваяваць «даволі шмат» афрыканцаў, але дакладная колькасць невядомая.
Дэрык Нгамана — першы грамадзянін ЦАР, чыя асоба была ўстаноўлена сярод загінулых у Курскай вобласці. Раней ён служыў у Цэнтральнаафрыканскіх узброеных сілах (FACA) у званні капрала. На сайце ААН ёсць здымак Нгаманы 2018 года, на якім ён падчас сумеснага патрулявання горада Бангасу з міратворцамі ААН.
У 2023 годзе Нгамана звяртаўся да сябра сям’і і дыпламата ЦАР у Маскве Форчуна Уангапоу па дапамогу ў паступленні ў расійскі ўніверсітэт, але тады ў яго не было сродкаў для паездкі ў Расію. Пра гэта сам Уангапоу паведаміў у Facebook. Роля дыпламата ў вербоўцы Дэрыка Нгаманы на вайну невядомая.
Малодшы брат Нгаманы сцвярджае, што той заключыў кантракт з расійскай арміяй і адправіўся ваяваць ва Украіну ў верасні 2024 года. Паводле яго слоў, Нгамана казаў, што такім чынам спадзяваўся «забяспечыць сваіх дзяцей» і «зрабіць для іх лепшую будучыню».
Пра вярбоўку «маладых афрыканцаў» на вайну ва Украіне ўлетку 2024 года пісала выданне Bloomberg.
Беларуска не знайшла сябе ў спісе выпускнікоў школы — лічыць, што праз палітычныя погляды2
Каментары
быў крывавым акупантам і вырастуць без яго.