На досвітку ў Брэсцкай крэпасці прайшоў мітынг-рэквіем у памяць аб пачатку Вялікай Айчыннай вайны
У мемарыяльным комплексе «Брэсцкая крэпасць-герой» раніцай 22 чэрвеня прайшоў мітынг-рэквіем, прысвечаны Дню ўсенароднай памяці ахвяр Вялікай Айчыннай вайны (80 гадоў).
Мітынг-рэквіем на плошчы Цырыманіялаў па традыцыі пачаўся а палове на чацвёртую раніцы — за паўгадзіны да таго моманту, як 22 чэрвеня 1941 года перадсвітальную цішыню над горадам разарваў гул снарадаў, піша БелТА.
У памяць аб загінулых у першыя хвіліны і гадзіны вайны былі спушчаны вянкі з запаленымі ад Вечнага агню свечкамі. Таксама былі выпушчаны белыя шары, а хвілінай маўчання і залпам са стрэльбаў удзельнікі цырымоніі ўшанавалі памяць усіх тых, хто не вярнуўся з вайны.
«Сёння апоўдні Беларусь згуртуецца адзінай хвілінай маўчання. І мы ўспомнім усіх, хто загінуў у той страшнай вайне. У гэтай памяці — наша сіла. Сіла беларускага народа, які выстаяў, захаваў мір на сваёй зямлі, пабудаваў незалежную краіну», — сказаў старшыня Брэсцкага аблвыканкама Юрый Шулейка.
Мітынг завяршыўся ўрачыстым маршам войскаў Брэсцкага гарнізона. Затым адбылася ваенна-гістарычная рэканструкцыя на Кобрынскім умацаванні крэпасці.
«Мая памылка, што запісваю відэа». Чым скончыліся рэзанансныя звароты да Лукашэнкі?7
Каментары