Свет 14 14

Nashaniva.com

31.01.2025 / 21:49

З 1 лютага ЗША ўводзяць высокія мыты супраць тавараў з Кітая, Канады і Мексікі

Белы дом паведаміў, што прэзідэнт ЗША Дональд Трамп мае намер стрымаць перадвыбарчае абяцанне і з 1 лютага ўводзіць высокія мыты супраць двух найбліжэйшых сваіх суседзяў і Кітая. Гэта можа мець непрадказальныя наступствы для сусветнай эканомікі.

Дональд Трамп. Фота: Christopher Furlong / Getty Images

У адміністрацыі Дональда Трампа падкрэслілі, што ён захавае крайні тэрмін 1 лютага, усталяваны раней для ўвядзення мытаў, нягледзячы на магчымыя эканамічныя наступствы.

«Я магу пацвердзіць, што заўтра, 1 лютага, увойдзе ў дзеянне пастанова прэзідэнта Трампа, пра якую ён заявіў некалькі тыдняў таму», — заявіла прэс-сакратарка Белага дома Кэралайн Левіт.

Паводле яе слоў, тарыфы складуць: 25% для Мексікі і Канады, 10% для Кітая.

«Прэзідэнт выконвае дадзеныя ім абяцанні», — дадала Левіт.

Яна адмовілася падаць дадатковыя дэталі, у тым ліку ці будуць тарыфы распаўсюджвацца на імпарт нафты і ці магчымыя выключэнні для некаторых тавараў.

Прэм'ер Канады Трудо заклікаў сваіх грамадзян рыхтавацца да цяжкіх часоў з-за ўвядзення Трампам мытаў супраць канадскіх тавараў ужо з 1 лютага. Ён таксама прыгразіў амерыканцам «моцным і неадкладным адказам»:

«Я не буду хаваць гэта — наша нацыя можа сутыкнуцца з цяжкімі часамі ў бліжэйшыя дні і тыдні. Для нас наступіў крытычны момант. Як заявіў прэзідэнт Трамп, ён па-ранейшаму гатовы ўсталяваць тарыфы супраць Канады, магчыма, ужо з заўтрашняга дня», — заявіў Трудо.

«Мы не ведаем дакладна, як гэта можа быць, але я ведаю дзве рэчы: першае, калі Трамп вырашыць увесці якія-небудзь мыты супраць Канады, то мы гатовыя даць адказ — змястоўны, моцны, але разумны неадкладны адказ. Мы гэтага не хочам, але калі ён зробіць крок наперад, мы таксама будзем дзейнічаць. Мы гатовыя да любога сцэнару», — дадаў канадскі прэм'ер.

Чытайце яшчэ

Дональд Трамп

Каментары14

Аляска, виски, два ствола

31.01.2025

Так, торговая, экономическая война. Дойдет ли до вооруженной?
a.hto.tam.idze

31.01.2025

Прэзідэнт выконвае абяцанні... Вайну ва Украіне прыпыніў за 24 гадзіны - малайца! Цяпер будзем глядзець, як інфляцыя на прадукты адрэагуе на навіны пра 25% мыты з Мексікі :-)
Штырь

31.01.2025

Был я в молодости ой какой задиристый. Но с годами понял простую истину: "В драке побеждает тот, кто в ней не участвует". Не сомневаюсь, что это будет и на этот раз.