Мы пераходзім у наступ. Газа ніколі не вернецца да таго, што было раней — міністр абароны Ізраіля
Міністр абароны Ізраіля Яаў Галант на сустрэчы з вайскоўцамі заявіў, што ізраільскае войска «ўзяло сітуацыю пад кантроль» і «пераходзіць у поўнамаштабны наступ», паведамляе The Times of Israel.
«Я зняў усе абмежаванні. ХАМАС хацеў перамен у сектары Газа, і ён зменіцца на 180 градусаў у параўнанні з тым, што думалі баевікі. Яны пашкадуюць пра гэты момант. Газа ніколі не вернецца да таго, што было раней. Хто б ні прыйшоў абезгалоўліваць, забіваць жанчын і людзей, якія перажылі Халакост, — мы знішчым яго», — заявіў Галант.
Міністр таксама дадаў, што вайна можа зацягнуцца на «тыдні ці месяцы».
Баевікі руху ХАМАС раніцай 7 кастрычніка напалі на Ізраіль. Яны выпусцілі некалькі тысяч ракет і прарваліся ў прымежныя раёны, пачаўшы бой з ізраільскімі вайскоўцамі.
Прэмʼер-міністр Ізраіля Біньямін Нетаньяху заявіў, што краіна ўступае ў «доўгую і цяжкую вайну». Таксама ён абʼявіў, што Армія абароны Ізраіля пачала рыхтавацца да наступальнай аперацыі, мэтай якой зʼяўляецца поўнае знішчэнне магчымасцяў ХАМАС.
Белыя ды чырвоныя кветкі і мора слёз. Як у Вільні сустракалі Паліну Шарэнду-Панасюк29
Каментары