Нецікава, прымусова, невядома што і невядома навошта. Мінадукацыі абурылася працай БРСМ і БРПА
У студзені Мінадукацыі правяло калегію на тэму «ўзаемадзеяння ўстаноў адукацыі» з БРСМ і піянерскай арганізацыяй. У пастанове па выніках калегіі, за подпісам міністра Андрэя Іванца, гаворыцца пра «шэраг праблемных пытанняў». Непублічны дакумент ведамства апынуўся ў рэдакцыі «Флагштока». Калі перакладаць бюракратычную мову на чалавечую, то фармальная праца моладзевых арганізацый надакучыла нават Мінадукацыі.
У студзені Мінадукацыі правяло калегію на тэму «ўзаемадзеяння ўстаноў адукацыі» з БРСМ і піянерскай арганізацыяй. У пастанове па выніках калегіі гаворыцца аб «шэрагу праблемных пытанняў».
Такімі пытаннямі лічаць недастатковую колькасць «ініцыятыў першасных арганізацый БРСМ і БРПА», адзначаецца «фактычная размытасць ролі і функцыяналу» БРСМ у рабоце з моладдзю, а таксама «шаблоннасць у правядзенні мерапрыемстваў без уліку патрэбнасцей і інтарэсаў моладзі».
Больш за тое, Мінадукацыі пабачыла «выпадкі адміністрацыйнага ціску на моладзь з мэтай павелічэння колькаснага складу пярвічных арганізацый БРПА і БРСМ».
У выніку ўсё, што прыдумала калегія Мінадукацыі, — пастанавіла правесці сацыялагічнае даследаванне па пытаннях дзейнасці БРПА і БРСМ ва ўстановах адукацыі (да чэрвеня 2024 года). А таксама зрабіць выбарачны аналіз дзейнасці пярвічак абедзвюх арганізацый і правесці навучальныя семінары для іх сакратароў.
На факультэтах БДУ стварылі камісіі, якія ўзялі пад кантроль кадравыя пытанні
Мінадукацыі выпусціць новы падручнік па філасофіі, хоць і стары «якасна падрыхтаваны»
Падрыхтоўка сілавікоў у ВНУ вырасла на 20%. Міністр адукацыі распавёў пра змены ў сістэме
У 10-х класах гісторыю Беларусі аб'яднаюць з сусветнай гісторыяй у адзін курс
Белыя ды чырвоныя кветкі і мора слёз. Як у Вільні сустракалі Паліну Шарэнду-Панасюк29
Каментары